हुडकोत दोन गटात दगडफेक तुंबळ हाणामारी प्रकरणात गुन्हा दाखल ; दोन अटकेत ; पोलीस बंदोबस्त तैनात

जळगाव, (प्रतिनिधी)- शहरातील हुडको येथे रात्री साडे दहा वाजता दोन गटात दगड फेक, चापट बुक्यांनी तुफान हाणामारी झाल्याची घटना रात्री घडली या प्रकरणी रामानंद नगर पोलीस स्टेशनला पंधरा जणांविरुद्ध गुन्हा नोंद करण्यात आला असून दोन आरोपीना अटक करण्यात आली आहेत.

हुडको येथील ज्ञानसागर शाळेजवळ किरकोळ कारणावरून दोन गटात भांडण झाली.त्या भांडणाचे रूपांतर दगडफेक, चापट बुक्क्यांनी मारहाण करणे पर्यंत होऊन दोन गटात चांगलीच हाणामारी झाली
या प्रकरणी राकेश मोरे, सुभाष पवार, अभय अडांगळे, दुर्गेश पवार, शुभम पवार बबलू सोनवणे, मनोज भालेराव, लताबाई मोरे, अश्विन सोनवने सर्व राहणार हुडको,जळगाव सह इतर अज्ञात 6 जणांविरुद्ध भादंवि कलम 337, 160, 188, 110, 112, 117 व महाराष्ट्र पोलीस कायदा 137 नुसार गुन्हा रामानंद पोलीस स्टेशन येथे दाखल करण्यात आला असून पुढील तपास पोलीस नाईक राजेश भावसार करीत आहे.
या परिसरात रात्री पासूनच पोलीस बंदोबस्त दाखल झाल्याने परिस्थिती नियंत्रणात असल्याचे कळते.