हिरो इलेक्ट्रिक आपल्या ग्राहकांना मोफत स्कूटर देतेय; जाणून घ्या कंपनीच्या खास ऑफरबाबत..

नवी दिल्ली : या सणासुदीच्या हंगामात तुम्ही नवीन इलेक्ट्रिक स्कूटर खरेदी करण्याचा विचार करत असाल, तर तुमच्यासाठी ही योग्य संधी आहे. या महिन्यात तुम्ही इलेक्ट्रिक स्कूटर घरी मोफत घेऊन जाऊ शकता. देशातील सर्वात मोठी इलेक्ट्रिक दुचाकी कंपनी Hero Electric या महिन्यात एक खास ऑफर घेऊन आली आहे. ऑगस्ट महिन्यात हिरो इलेक्ट्रिक ही देशातील पहिल्या क्रमांकाची इलेक्ट्रिक टू-व्हीलर कंपनी होती. यात 10 हजारांहून अधिक इलेक्ट्रिक स्कूटर विकल्या गेल्या. आता अधिकाधिक ग्राहकांना आकर्षित करण्यासाठी कंपनीने नवीन ऑफर सुरू केली आहे. ऑफर अंतर्गत कंपनी ग्राहकांना मोफत इलेक्ट्रिक स्कूटर देत आहे. मात्र, यासाठी तुम्हाला काही अटी पूर्ण कराव्या लागतील. हीरो इलेक्ट्रिकची ही ऑफर केरळ राज्यात सुरू झाली आहे. राज्यातील लोकप्रिय सण ओणम लक्षात घेऊन ही ऑफर सुरू करण्यात आली आहे. केरळमधील कंपनीच्या प्रत्येक 100व्या ग्राहकाला एक इलेक्ट्रिक स्कूटर मोफत देण्यात येणार असल्याचे कंपनीने जाहीर केले आहे. कंपनीने खुलासा केला आहे की ही ऑफर संपूर्ण ओणम सणात लागू राहील. ग्राहकांना ई-स्कूटरवर संपूर्ण पाच वर्षांची वॉरंटी मिळेल, ज्यामध्ये दोन वर्षांची विस्तारित वॉरंटी समाविष्ट आहे. सर्वाधिक विक्री होणारी इलेक्ट्रिक स्कूटर ऑगस्ट महिन्यात सर्वाधिक इलेक्ट्रिक स्कूटर विकून हिरो इलेक्ट्रिकने या यादीत पहिला क्रमांक पटकावला आहे. कंपनीने गेल्या महिन्यात 10,476 मोटारींची विक्री केली आहे. हिरो इलेक्ट्रिक ही जुलै 2022 मध्ये सर्वात जास्त विकली जाणारी इलेक्ट्रिक स्कूटर कंपनी होती. दुसरीकडे, ओकिनावा दुसऱ्या क्रमांकावर आणि एथर इलेक्ट्रिक तिसऱ्या क्रमांकावर होती. एथर इलेक्ट्रिकने 297 टक्के वाढ नोंदवली आहे. कंपनी भारतात इलेक्ट्रिक Optima CX, इलेक्ट्रिक NYX HS500, इलेक्ट्रिक फोटॉन LP आणि Hero Eddy सारखी मॉडेल्स विकते.