नवी दिल्ली : तुम्हालाही स्वस्त सोने खरेदी करायचे असेल तर ही बातमी तुमच्यासाठी आहे. सरकारकडून स्वस्तात सोने खरेदी करण्याची संधी दिली जात आहे. होय, तुम्ही सरकारी गोल्ड बाँड (SGB) योजनेत पुन्हा गुंतवणूक करू शकता. सोमवारपासून 5 दिवस सुरू होणाऱ्या गोल्ड बॉण्ड योजनेसाठी प्रति ग्रॅम 5,611 रुपये किंमत निश्चित करण्यात आली आहे. रिझर्व्ह बँक ऑफ इंडिया (RBI) कडून असे सांगण्यात आले की 2022-23 च्या चौथ्या मालिकेअंतर्गत सार्वभौम गोल्ड बाँड योजना सुरू केली जात आहे.
6 ते 10 मार्चपर्यंत सोने उपलब्ध होईल
या योजनेंतर्गत 6 ते 10 मार्चपर्यंत स्वस्त सोने उपलब्ध होणार आहे. यासाठी इश्यूची किंमत 5,611 रुपये प्रति ग्रॅम ठेवण्यात आली आहे. आरबीआयच्या विधानानुसार, ‘ऑनलाइन किंवा डिजिटल मोडद्वारे गोल्ड बाँडसाठी अर्ज करणाऱ्या आणि पेमेंट करणाऱ्या गुंतवणूकदारांसाठी इश्यूची किंमत 50 रुपये प्रति ग्रॅमपेक्षा कमी असेल. अशा गुंतवणूकदारांसाठी गोल्ड बाँड्सची इश्यू किंमत 5,561 रुपये प्रति ग्रॅम आहे.
हे सुद्धा वाचा..
गुड न्यूज ; अखेर ‘या’ कर्मचाऱ्यांना जुनी पेन्शन योजना लागू ; सरकारचा मोठा निर्णय
अदानी समूहाबाबत आली एक महत्त्वाची माहिती समोर, गुंतवणूकदारांनो वाचा काय आहे?
शेतकऱ्यांची चिंता वाढवणारी बातमी ; राज्यात आजपासून अवकाळी पावसासह तुफान गारपीटीची शक्यता
RBI सुवर्ण रोखे जारी करते
वास्तविक, केंद्रीय बँक भारत सरकारच्या वतीने सुवर्ण रोखे जारी करते. हे फक्त निवासी व्यक्ती, हिंदू अविभक्त कुटुंबे (HUF), ट्रस्ट, विद्यापीठे आणि धर्मादाय संस्थांना विकले जाऊ शकतात. वर्गणीची कमाल मर्यादा व्यक्तींसाठी ४ किलो, एचयूएफसाठी ४ किलो आणि ट्रस्ट आणि तत्सम संस्थांसाठी २० किलो आहे.
सोन्याची भौतिक मागणी कमी करण्याच्या उद्देशाने सुवर्ण रोखे योजना नोव्हेंबर 2015 मध्ये प्रथम सुरू करण्यात आली होती. दुसरीकडे सराफा बाजारात सोन्याच्या किमतीत नरमाई दिसून येत आहे. शुक्रवारी सराफा बाजारात 24 कॅरेट सोन्याचा भाव 56,103 रुपये प्रति 10 ग्रॅम झाला. त्याचवेळी चांदीचा भाव 64139 रुपये प्रति किलोवर पोहोचला.
