मुंबई : Mobile आणि Internetमुळे आपलं आयुष्य खूप सोपं झालंय! तुम्हाला तुमची जिज्ञासा दूर करायची असेल, एखादी वस्तू खरेदी करण्यासाठी एखादे दुकान शोधणे किंवा तुमचा रस्ता चुकला असेल किंवा काही इतर माहिती हवी असेल… तर तुम्ही लगेच खिशातून मोबाईल काढून Google करतात. म्हणजेच इंटरनेटवर शोध घेतात. Yahoo, Bingसह इतर अनेक Search Engines असली, तरी बहुतांश लोक फक्त गुगल वापरतात.
गुगलची सुरुवात कशी झाली हे तुम्हाला माहीत आहे का? यामागे दोन मित्रांची कहाणी आहे. आणि फक्त गुगलच नाही तर इतरही कंपन्या आहेत ज्या मैत्रीतून सुरू झाल्या. खरा मित्र आपल्या उणीवा भरून काढतो. या कंपन्यांच्या बाबतीतही तेच झाले. ती पोकळी मित्रांनी भरून काढली आणि असा Startup केला की काही वर्षांतच तो जागतिक ब्रँड म्हणून प्रस्थापित झाला.
रिसर्च प्रोजेक्टद्वारे Google ची निर्मिती
सर्वात यशस्वी सर्च इंजिन मानली जाणारी Google ही जगातील सर्वात शक्तिशाली कंपनी मानली जाते. ही एक अमेरिकन बहुराष्ट्रीय तंत्रज्ञान कंपनी आहे. लॅरी पेज आणि सर्गेई ब्रिन या दोन मित्रांनी ती तयार केली होती. सुरुवातीला, लॅरी आणि सर्गेई समान स्वारस्य असल्यामुळे अजिबात जमले नाहीत. कोणत्या ना कोणत्या कल्पनेवरून त्यांच्यात वाद व्हायचा. पण जेव्हा रिसर्च प्रोजेक्ट म्हणून गुगल बनविण्यास सुरुवात केली तेव्हा दोघांनीही एकमेकांची साथ सोडली नाही. या प्रकल्पाच्या यशानंतर, Google एक यशस्वी सर्च इंजिन बनले. एक वेळ अशीही आली जेव्हा सर्गेई आणि लॅरी यांनी मिळून गुगलला एक्साइट कंपनीला विकण्याचा निर्णय घेतला. पण एक्साइट कंपनीने दोन्ही मित्रांच्या इच्छेनुसार गुगलचा भाव दिला नाही. यामुळे हा करार होऊ शकला नाही त्यामुळे सर्गेई आणि लॅरी यांनी मिळून Google ला जगातील सर्वात प्रसिद्ध आणि यशस्वी सर्च इंजिन बनवण्याचा निर्णय घेतला. निकाल तुमच्या समोर, तुमच्या मोबाईलमध्ये आहे.
पक्ष्याच्या किलबिलाटावरून Twitter ची सुरुवात
मायक्रोब्लॉगिंग वेबसाइट ट्विटर हा जॅक डोर्सी, इव्हान विल्यम्स, नोहा ग्लास आणि बिझ स्टोन या चार मित्रांचा आविष्कार आहे. 2004 मध्ये या चार मित्रांनी मिळून या सोशल मीडिया कंपनीची स्थापना केली. त्याच्या नावाची कल्पना पक्ष्याच्या किलबिलाटावरून घेण्यात आली. चार मित्रांना ट्विटर हे नाव सुरुवातीपासूनच आवडले आणि त्यांनी त्यावर सहमती दर्शवली. कालांतराने या सोशल मीडियाच्या वापरकर्त्यांची संख्या झपाट्याने वाढू लागली. 2012 पर्यंत, 100 मिलियनहून अधिक वापरकर्ते ट्विटरमध्ये सामील झाले होते. कमी शब्दात माहिती देण्याच्या उद्देशाने ही वेबसाईट तयार करण्यात आली आहे. पण आज सोशल मीडिया नेटवर्कपेक्षा या कंपनीचे महत्त्व अधिक आहे. आता या कंपनीची मालकी इलॉन मस्ककडे आहे.
YouTube बनले लोकप्रिय
लोकप्रिय व्हिडिओ स्ट्रीमिंग प्लॅटफॉर्म YouTube ची स्थापना पेपल (PayPal)च्या चॅड हर्ले, स्टीव्ह चॅन आणि जावेद करीम या तीन कर्मचाऱ्यांनी केली आहे. ही कंपनी 2005 मध्ये सुरू झाली. पार्टीमधील व्हिडिओ शेअर करताना त्रास होऊ लागला, तेव्हा हर्ले आणि चॅन यांना ही कल्पना सुचली. यानंतर दोघांनी ठरवलं की ते एक वेबसाइट तयार करतील ज्याद्वारे व्हिडिओ सहज शेअर करता येतील. ही व्हिडिओ शेअरिंग सेवा यशस्वी करण्यात जावेद करीम यांनी महत्त्वाची भूमिका बजावली. आज YouTube एक ब्रँड म्हणून स्थापित झाला आहे आणि जगभरात लोकप्रिय आहे.
