पाचोरा, (प्रतिनिधी) – शहरातील बसस्थानक शेजारील छत्रपती शिवाजी महाराज नगर भागात मागील शंभर वर्षांपासून पिढ्यानपिढ्या रहिवासी राहतात हे रहिवासी राहतात त्या भागातील बसस्थानकच्या उत्तरेला भिंतीला लागुन शहर विकास आराखड्यानुसार आरक्षित रस्ता मंजूर असून या रस्त्याची रुंदी पंधरा मीटर आहे परंतु या रस्त्यावर काही लोकांनी अतिक्रमण करुन मोठमोठे लोखंडी पत्र्याचे शेड बांधून अतिक्रमण केले असल्याने पंधरा मिटर रुंदीचा रस्ता अतिक्रमण केल्याने फक्त चारच फुट राहिला असल्याने या रस्त्याने चालतांना कींवा दुचाकीवरुन जातांना मोठी अडचण येते तसेच या परिसरात एखाद्यावेळी रुग्णाला रुग्णालयात नेण्यासाठी रीक्षा कींवा अँम्बूलन्स येत नाही रुग्णांना हातावर धरून मुख्य रस्त्यावर आणावे लागते तसेच या परिसरात सार्वजनिक शौचालय आहेत परंतु रस्ता नसल्याने या शौचालयाची साफसफाई करण्यासाठी तसेच या परिसरातील केरकचरा उचलण्यासाठी घंटागाडी येत नसल्याने आरोग्याच्या प्रश्न उदभवत आहे
या अतिक्रमणे स्वच्छ शहर सुंदर शहर या योजनेला खीळ बसली आहे तसेच अतिक्रमण काढण्यासाची मागणी केल्यास अतिक्रमणधारक धमक्या देतात म्हणून या परिसरातील रहिवासी सुरेश पाटील , दिपक पाटील , गफूरभाई शहा , वाजीद बागवान , प्रविण मोरे , भिकन मोरे किशोर कोळी व ईतर पंचवीस रहिवासी यांनी पाचोरा नगरपरिषदेच्या मुख्याधिकारी शोभाताई बाविस्कर यांना निवेदन दिले असून त्वरित अतिक्रमण न निघाल्यास तिव्र आंदोलन छेडण्याचा इशारा दिला आहे
शोभाताई बाविस्कर यांची भेट घेतली असता त्यांनी सांगितले की सद्यस्थितीत कोरणा व्हायरस या बदल जनजागृती व स्वच्छता मोहीम सुरू असुन हा विषय महत्त्वाचा आहे मात्र आम्ही एप्रिल महिन्यात पाचोरा शहरातील संपूर्ण अतिक्रमण काढणार असून अतिक्रमण धारकांची गय केली जानार नाही असे सांगितले
