विक्रम’ चंद्रावर जोराने आदळले, नासाची छायाचित्रे प्रसिद्ध

वॉशिंग्टन- ’नासा’ या अमेरिकेच्या अंतराळ संशोधन संस्थेने ’चांद्रयान-2’ मोहिमेतील विक्रम लँडरची छायाचित्रे प्रसिद्ध केली आहेत. ’विक्रम’ लँडर चंद्रावर उतरताना जोरात आदळले असे नासाने या छायाचित्रांच्या आधारे स्पष्ट केले आहे. नासाने प्रसिद्ध केलेली ही हाय रेझॉल्यूशन छायाचित्रे ऑर्बिटरद्वारे खेचलेली आहेत.
विक्रम लँडरने चंद्रावरील एका सपाट भूमीवर उतरण्याचा प्रयत्न केला, मात्र विक्रमचे हे उतरणे अपेक्षेनुसार होऊ शकले नाही. या नंतर 7 सप्टेंबरला विक्रमचा इस्रोशी संबंध तुटला. विक्रम चंद्रावर उतरताना जोराने आदळले हे स्पष्ट झाल्याचे नासाने प्रसिद्ध केलेल्या निवेदनात म्हटले आहे. विक्रम नेमक्या कोणत्या जागी आदळले हे अजूनही निश्चितपणे सांगता येत नाही. ही छायाचित्रे 150 किमी इतक्या अंतरावरून काढण्यात आली आहे