अहमदनगर- महाराष्ट्र पोलीस दलातील विविध वाहतूक शाखांकरिता राज्यात 2144 पदे निर्माण करण्यास मान्यता देण्यात आली आहे. त्यानुसार गृह विभागाने जिल्हानिहाय पदाचे वाटप केले आहे. त्यानुसार नगर जिल्ह्याच्या वाट्याला एकूण 74 पदे आली आहेत.
रस्त्यांवरील वाहतुकीस अडथळा ठरणारी, बेवारस वाहने हटविण्यासंदर्भात तसेच राज्यात वाढत्या वाहतूक समस्येवर उपाययोजना करण्यासाठी उच्च न्यायालयाने जनहित याचिकेवर दिलेल्या आदेशाचा विचार करून महाराष्ट्र पोलीस दलातील वाहतूक शाखेसाठी पहिल्या टप्प्यात आवश्यक पोलीस अधीक्षक 3, पोलीस उपअधीक्षक 6, पोलीस निरीक्षक 27, सहायक पोलीस निरीक्षक 63, पोलीस उपनिरीक्षक 108, सहायक पोलीस उपनिरीक्षक 126,पोलीस हवालदार 379, पोलीस शिपाई 1143, चालक पोलीस शिपाई 289 अशी एकूण 2144 पदे निर्माण करण्यास मान्यता देण्यात आली आहे. त्यानुसार या पदांचे जिल्हानिहाय वाटप करण्यात आले आहे.
