लोहारा ता.पाचोरा जि. जळगाव( रिपोर्टर ईश्वर खरे)-
येथे दरवर्षाप्रमाणे या वर्षी सुद्धा संविधानाचे जनक महामानव डॉ बाबासाहेब आंबेडकर यांच्या जयंती निमित्ताने बस स्टँड परिसरामध्ये माणुसकी ग्रुपच्या वतीने पाणपोईचे उद्घाटन सैनिक प्रसाद पवार यांच्या शुभ हस्ते करण्यात आले.
लोहारा हे बाजारपेठेचे गाव असून शेजारील आठ ते दहा गावातून नागरिक किराणा साहित्य तसेच संसार उपयोगी वस्तू घेण्यासाठी रोज येत असतात परंतु उन्हाळ्यामध्ये पिण्यासाठी पाणी लवकर उपलब्ध होत नसल्याने प्रवाशांना विकत पाणी बॉटल घ्यावी लागते या सगळ्या गोष्टींचा विचार करून गेल्या आठ वर्षापासून माणुसकी ग्रुप च्या वतीने पाणपोई आयोजित केली जाते. या सामाजिक कार्याला सर्वांचा हातभार असतो सर्व सदस्य आपल्या परीने मदत करतात.
लोहारा बस स्टँड परिसरामध्ये पाणपोई सेवा सुरू झाल्याने सर्व नागरिकांनी माणुसकी ग्रुपचे सर्व सदस्यांचे तसेच लोहारा गावात सामाजिक कार्य घडवून आणण्यासाठी नेहमीच निस्वार्थ भावनेने कार्य करण्यासाठी अग्रेसर असणारे माणुसकी समूहाचे जळगाव जिल्हाध्यक्ष समाजसेवक गजानन क्षीरसागर यांचे विशेष कौतुक गावातील नागरिकांनी केले.
यावेळी सैनिक प्रसाद पवार, सुरेश माळी,अमोल पाटील,बापू धनगर,नितीन ओतारी, प्रणेश क्षीरसागर, अनंत क्षीरसागर, गोपाल पाटील, मयूर धनगर, ईश्वर भील,नितीन बोथरा, गजानन माळी, तसेच पत्रकार ईश्वर खरे, ज्ञानेश्वर राजपूत,दिपक पवार आदी माणुसकी ग्रुप सदस्य व गावातील ग्रामस्थ उपस्थित होते.या कार्या बद्दल ग्रांमस्थान कडून कौतुक होत आहे.
