जळगाव : जळगाव उपनिबंधक कार्यालयातील दोन सहाय्यक सहकार अधिकारी यांच्यावर लाचलुचपत विभागाने कारवाई केली आहे. ५ हजार रुपयाची लाच मागितल्याप्रकरणी सहकार अधिकारी विजय सुरेशचंद्र गोसावी (वय-५४) आणि सहाय्यक सहकार अधिकारी चेतन सुधारक राणे (वय-४८) या दोघांना अटक करण्यात आली. लाचलुचपत प्रतिबंधक विभागाच्या कार्यालयापासून हाकेच्या अंतरावर असलेल्या उपनिबंधक कार्यालयात झालेल्या या धडक कारवाईने खळबळ उडाली आहे.
तक्रारदार यांनी सिंधी कॉलनी भागात घर खरेदी केले आहे. खरेदी केलेल्या घराची दप्तरी नोंद करून त्याबाबतची ताबा पावती देण्याच्या मोबादल्यात उप निंबध सहकारी संस्थेत काम करणारे सहकार अधिकारी विजय सुरेशचंद्र गोसावी आणि सहाय्यक सहकार अधिकारी चेतन सुधारक राणे यांनी ५ हजाराची मागणी पंचा समक्ष केली. लाचलुचपत विभागाने दोघांना ताब्यात घेतले असून जिल्हापेठ पोलिसात गुन्हा नोंदविण्याचे काम सुरू आहे.
हे पण वाचा :
मोठी बातमी ! उद्या जाहीर होणार 12 वी परीक्षेचा निकाल
ऐन पावसाळ्याच्या तोंडावर उष्णतेचा कहर ; महाराष्ट्रासह ‘ही’ राज्य अलर्टवर
..तर मास्क सक्तीचा आणि निर्बंधांचा निर्णय घ्यावा लागेल ; मंत्री विजय वडेट्टीवार
राज्यात उन्हाची लाट पुन्हा वाढू लागली, ‘या’ भागात उष्ण लाटेचा इशारा
पोलीस उपधीक्षक शशिकांत पाटील यांच्या मार्गदर्शनाखाली पोलीस निरीक्षक संजोग बच्छाव, एन.एन.जाधव, सहाय्यक फौजदार दिनेशसिंग पाटील, सहाय्यक फौजदार सुरेश पाटील, अशोक अहीरे, सुनिल पाटील, रविंद्र घुगे, शैला धनगर, मनोज जोशी, जनार्धन चौधरी, सुनिल शिरसाठ, प्रविण पाटील, महेश सोमवंशी, नासिर देशमुख, ईश्वर धनगर , प्रदिप पोळ यांच्या पथकाने ही कारवाई केली.
