वरणगावं,(अंकुश गायकवाड):- वरणगांव शहरातील १८ ते ४४ वयोगटातील सर्व नगरिकांनां सरकारने मोफत लस ०१ मे पासून देण्याचे जाहीर केले आहे. मात्र वरणगाव शहरात आज पर्यंत सुद्धा लसीकरणांस सुरुवात झालेली नाही.
का करोना काळात अजून १८ वर्षावरील नागरिकांचे जीव जाण्याचे प्रशासन तर वाट पाहत नाहीना…?
इतर शहरात लसीकरण सुरू झालेले आहे मात्र वरणगावातील तरुणांवर अन्याय का जिल्हा प्रशासन करीत आहे.
वरणगांव ग्रामीण रुग्णालय एक केंद्र व मराठी शाळा येथे एक केंद्र असे दोन लसीकरण केंद्र तात्काळ सुरू करा अशी मागणी आज माजी मंत्री भुसावळ मतदारसंघाचे आमदार संजयजी सावकारे यांच्याकडे आज भारतीय जनता पार्टी व भाजयुमो तर्फे निवेदन देऊन मागणी करण्यात आली.
यावेळी माजी मंत्री आमदार संजय सावकारे यांनी जिल्हाधिकारी डॉ.अभिजित राऊत यांच्या कडे तात्काळ वरणगावात १८ ते ४४ वयोगटातील नगरिकांचे लसीकरण केंद्र सुरू करा अश्या सूचना यावेळी तात्काळ भ्रमणध्वनी वरून केल्या व तसे पत्र सुद्धा आमदार सावकारे यांनी जिल्हाधिकारी यांना तात्काळ पाठविले आहे आमदार सावकारे यांना निवेदन देण्यापूर्वी वरणगाव ग्रामीण रुग्णालयांत भाजपा व भाजयुमो तर्फे ग्रामीण रुग्णालयात १८ ते ४४ वयोगटातील तरुणांना शहरात दोन कोव्हिडं लसिकरण केंद्र सुरू करा या मागणी साठी आंदोलन करण्यात आले यावेळी वैदयकीय अधिकारी डॉ.क्षितिजा हिंडवे यांना मागण्यांचे निवेदन देण्यात आले यावेळी डॉ.क्षितिजा हिंडवे यांनी मी तात्काळ जिल्हाचिकित्सकांना तुमच्या भावना कळवून लसीकरण केंद्र सुरू करण्यासाठी मी सुद्धा प्रयत्नशील असल्याचे आश्वस्त डॉ.क्षितिजा हिंडवे यांनी केले.
यावेळी आंदोलनात माजी नगराध्यक्ष सुनील काळे, उनगराध्यक्ष शेख आखलाक, कामगार नेते मिलिंद मेढे, भाजपा शहराध्यक्ष सुनील माळी,भाजयुमोचे शहराध्यक्ष संदीप भोई,महिला मोर्चा शहराध्यक्ष सौ.प्रणिता पाटील चौधरी,सरचिटणीस आकाश निमकर,शहरउपाध्यक्ष हितेश चौधरी,भाजपा तालुका उपाध्यक्ष शामराव धनगर, संजयकुमार जैन,माजी सरपंच सुभाष धनगर,कृष्णा माळी,नटराज चौधरी,युसूफ खान,गोलू राणे,डॉ.प्रविन चांदणे,पप्पू ठाकरे,मिलिंद भैसे उपस्थित होते.
