मेदिनीपूर : पश्चिम बंगालच्या मेदिनीपूर जिल्ह्यामधील खरगपूर रेल्वे स्थानकावर एक धक्कादायक घटना समोर आली आहे. रेल्वे प्लॅटफॉर्मवर उभ्या असलेल्या तिकीट तपासनीसाच्या (TC) डोक्यावर अचानक हायव्होल्टेज विजेची तार पडल्यामुळे टीसीला जोरदार विजेचा झटका बसला आणि तो दूर फेकला गेला. या घटनेचा धक्कादायक व्हिडीओ व्हायरल झाला असून या दुर्घटनेमुळे खरगपूर रेल्वे स्थानकावर गोंधळाचे वातावरण निर्माण झाले होते.
नेमका काय आहे प्रकार?
तिकीट तपासनीस सुजान सिंग हे पश्चिम मेदिनीपूरच्या खरगपूर शहरातील रेल्वे स्टेशनवर प्लॅटफॉर्म क्रमांक चारवर आपल्या सहकारी टीटीसोबत उभे होते. फलाटावर बांधलेल्या फूटओव्हर ब्रीजजवळ दोघे बोलत होते. दरम्यान, हायव्होल्टेजची वायर तुटून थेट सुजानसिंग यांच्या डोक्यावर पडली.
A freak accident – a long piece of loose cable, taken by a bird somehow came in contact with the OHE wire and the other end came down and touched a TTE's head. He suffered burn injuries but is out of danger and under treatment – at Kharagpur station yesterday afternoon! #Accident pic.twitter.com/ObEbzd1cOF
— Ananth Rupanagudi (@Ananth_IRAS) December 8, 2022
त्यामुळे सुजान सिंह यांना जोरदार धक्का बसला आणि ते तोल जाऊन रेल्वे रुळावर पडले. यामुळे सुजान सिंह यांना डोक्यावर आणि शरीरावर इतर भागांवर गंभीर दुखापत झाली. सुजान सिंह यांच्या सहकाऱ्याने आरपीएफला दुर्घटनेची माहिती देताच त्यांना खरगपूर रेल्वे रुग्णालयात उपचारांसाठी दाखल करण्यात आलं. सुजान सिंह यांना गंभीर दुखापत झाली होती. सध्या सुजान सिंह यांची प्रकृती चिंताजनक असल्याची माहिती डॉक्टरांनी दिली आहे.
