मुंबई : राष्ट्रवादी काँग्रेसचे अध्यक्ष शरद पवार यांनी प्रफुल्ल पटेल आणि सुप्रिया सुळे यांची राष्ट्रवादी काँग्रेसच्या (NCP) नवीन कार्याध्यक्षपदी नियुक्ती केली आहे. आज शनिवारी राष्ट्रवादी काँग्रेसचा 25 वा स्थापना दिवस आहे. पक्षाच्या वर्धापनदिनाचे औचित्य साधून शरद पवार यांनी ही मोठी घोषणा केली आहे.
मात्र अजित पवार यांना कोणतीही जबाबदारी दिली नाही. गेल्या महिन्यात शरद पवार यांनी राष्ट्रवादी काँग्रेसच्या अध्यक्षपदाचा राजीनामा दिला होता. मात्र नंतर कार्यकर्त्यांनी त्यांच्या निर्णयाला विरोध केल्याने त्यांचा राजीनामा मागे घेण्यात आला.
आता पक्षात दोन नवीन कार्याध्यक्ष करून हायकमांडने आश्चर्य व्यक्त केले आहे. शरद पवार यांनी प्रफुल्ल पटेल आणि सुप्रिया सुळे यांना कार्यकारिणीचे अध्यक्ष बनवण्याचा निर्णय घेतला परंतु अजित पवार यांच्यांकडे काहीच जबाबदारी दिली नाही. शरद पवार यांनी घोषणा केली तेव्हा अजित पवार कार्यक्रमाला उपस्थित होते.
सुप्रिया सुळे – कार्यकारी अध्यक्षा. महाराष्ट्र, हरियाणा, पंजाब, महिला युवा, लोकसभा यांच्या समन्वयाची जबाबदारी.
प्रफुल्ल पटेल – कार्याध्यक्ष. मध्य प्रदेश, राजस्थान, गोव्याची जबाबदारी.
सुनील तटकरे – राष्ट्रीय सरचिटणीस. ओडिशा, पश्चिम बंगाल, शेतकरी, अल्पसंख्याक विभागाचे प्रभारी.
नंदा शास्त्री – दिल्ली प्रदेशाध्यक्ष.
फैसल – तामिळनाडू, तेलंगणा, केरळची जबाबदारी.
