रावेर,(भागवत महाजन)- जागतिक महिला दिनानिमित्त राज्यस्तरीय नारिदिप सन्मान २०२१ पुरस्कारांची घोषणा काल सावित्रीबाई फुले पुण्यतिथी रोजी करण्यात आली.यामध्ये रावेर पंचायत समिती सदस्या व विवरे येथील रहिवासी सौ.योगिता रामदास वानखेडे यांना खान्देश कन्या राज्यस्तरीय नारी गौरव पुरस्कार २०२१ जाहीर झाला आहे.खान्देश जनसेवा फाऊंडेशन व खान्देश न्युज नेटवर्क यांच्या वतीने देण्यात येणाऱ्या या पुरस्कारांची घोषणा काल सायंकाळी करण्यात आली.
सर्वसामान्य कुटुंबातील असलेल्या सौ.योगिता वानखेडे यांना अगोदरपासूनच सामाजिक कार्याची आवड असुन पंचायत समिती सदस्या म्हणून निवडून आल्यानंतर त्यांनी विविध शासकीय योजनांचा लाभ गोरगरीब लोकांना मिळवून देण्यासाठी प्रयत्न केले.तसेच बेटि बचाओ बेटि पढाओ अभियानाच्या माध्यमातून महिलांचं व मुलींच्या सक्षमीकरणासाठी त्यांनी केलेल्या कार्याची दखल घेऊन त्यांना हा पुरस्कार जाहीर झाला आहे.हा पुरस्कार जाहीर झाल्याबद्दल विविध क्षेत्रातील मान्यवर व पदाधिकाऱ्यांनी सौ.वानखेडे यांचं विवरे बु॥ ग्रामपंचायत माजी सरपंच सौ आशा वासुदेव नरवाडे यांनीअभिनंदन केले आहे.
