रावेर – आमदार शिरिष चौधरी यांनी घेतलेल्या जनता दरबारामध्ये आलेल्या नागरीकांनी आरोग्य, एसटी महामंडळ, पंचायत समिती, सार्वजनिक बांधकाम जलसंधारणसह इतर विभागाच्या संदर्भात नागरीकांनी प्रश्रांची सरबती केली. याला उत्तरे देतांना प्रशासनाची चांगलीच दमछाक झाली. जवळपास पाच तास हा जनता दरबार चालला. यात अनेक प्रश्न मार्गी लागल्याने तक्रारदारांना समाधान लाभले. येथील रावेर तहसिल कार्यालयात तालुक्यातील नागरीकांच्या समस्या सूटाव्यात या उद्देशाने जनता दरबार आयोजित करण्यात आला होता. जनता दरबार सुरु असतांना अतिक्रमने कायम करण्यासाठी महिलांचा समुदायांनी घोषणाबाजी केली. यावर देखील चर्चा झाली.
यावेळी नगराध्यक्ष दारा मोहोम्मद, राजीव पाटील, राष्ट्रवादीचे तालुकाध्यक्ष निळकंठ चौधरी, ज्ञानेश्वर महाजन, यशवंत धनके, आसिफ मोहोम्मद,योगराज पाटील, प्रकाश पाटील, हरीष गनवाणी, राजू सवर्णे, प्रतिभा बोरवले, दिपक पाटील, योगेश गजरे, सुरेश चींधु पाटील, सोपान पाटील आदी उपस्थित होते.
प्रांतधीकारी डॉ.अजित थोरबोले, तहसिलदार उषाराणी देवगुणे, बीडीओ सानिया नाकाडे, पोलिस निरिक्षक रामदास वाकोडे, महावितरणचे अधिकारी, सामाजिक वनिकरणचे अर्शद मुलानी, वनविभागाचे मुकेश महाजन, अतुल तायडे, संजय भदाणे, अरविंद धोबी, मुख्याधिकारी रविंद्र लांडे, आरोग्य अधिकारी शिवराज पाटील, सार्वजनिक बांधकामचे इम्रान शेख, एसटी महामंडळचे बेंडकुळे, वन्यजिवचे राजेश पवार यांच्यासह सर्व विभागचे प्रमुख जनता दरबारात उपस्थित होते
तहसिलदार
तहसिलदार उषाराणी देवगुणे यांच्या कामबद्दल सर्वत्र चर्चा आहे. या दरबारात वाळू, रेशन कार्ड,पीएम किसान,उतारे दुरुस्ती यांच्या तक्रारी वर तहसिलदार बाई ताबडतोब अॅक्शन येऊन आलेल्या तक्रारीवर करवाया केल्या त्यांना नायब तहसिलदार संजय तायडे यांचे देखिल सहकार्य लाभले.
