देशातील नागरिकांसह संपूर्ण जग २२ जानेवारीची अधीरतेने प्रतीक्षा करत आहे. भारताच्या प्रत्येक कणाचा आणि व्यक्तीचा भाविक आहे. सज्ज होत असलेल्या राम मंदिरात प्राण प्रतिष्ठेची प्रत्येकाला प्रतीक्षा आहे.पंतप्रधान नरेंद्र मोदी यांनी कालच अयोध्या धाम येथे 15,700 कोटी रुपयांपेक्षा जास्त खर्चाच्या विविध विकास प्रकल्पांचे उद्घाटन, लोकार्पण आणि भूमीपूजन केले. यामध्ये अयोध्या आणि सभोवतालच्या भागांच्या विकासाच्या 11,100 कोटी रुपये खर्चाच्या आणि उत्तर प्रदेशातील 4,600 कोटी रुपये खर्चाच्या इतर प्रकल्पांचा समावेश आहे.
दरम्यान अयोध्येत भगवान श्री रामाचे भव्य मंदिर उभारले जात आहे. रामलल्लाच्या प्राणप्रतिष्ठा भव्य दिव्य कार्यक्रम निश्चित करण्यात आला आहे. मुख्य अभिषेक सोहळा २२ जानेवारी रोजी पंतप्रधान नरेंद्र मोदी यांच्या उपस्थितीसह देशभरातील मान्यवर या कार्यक्रमाला उपस्थित होणार आहे. परंतु १५ जानेवारीपासूनच पूजा आणि विधी यासारखे कार्यक्रम सुरु होतील त्यामुळे १५ जानेवारी ते २२ जानेवारी असे एकूण सात दिवसाचा पूजा सोहळा आहेत. संपूर्ण कार्यक्रम पत्रिका खाली पहा.
प्राणप्रतिष्ठा दरम्यान राम मंदिराच्या गर्भगृहात केवळ पाच लोक उपस्थित राहणार आहेत, ज्यामध्ये देशाचे पंतप्रधान नरेंद्र मोदी प्रमुख पाहुणे असतील व त्यांच्या समवेत RSS प्रमुख मोहन भागवत, उत्तर प्रदेशच्या राज्यपाल आनंदीबेन पटेल, मुख्यमंत्री योगी आदित्यनाथ आणि राम मंदिराचे मुख्य पुजारी आचार्य सत्येंद्र दास यांचा समावेश असेल. सकाळी १२.२९ ते १२:३० पर्यंत राम मंदिरात राम लल्लाची मूर्ती स्थापन करण्याची वेळ असेल. प्राणप्रतिष्ठेसाठी केवळ ८४ सेकंदांचा शुभ मुहूर्त असेल.
राम मंदिर कार्यक्रमाचे संपूर्ण वेळापत्रक, प्राणप्रतिष्ठेचा शुभ मुहूर्त –
15 जानेवारी 2024 – या दिवशी प्रभू रामचंद्रांच्या भव्य राम मंदिरातील गर्भगृहात राम लल्लाच्या मूर्तीची स्थापना करण्यात येणार आहे.
16 जानेवारी 2024 – या दिवसापासून मूर्तीच्या निवासाच्या विधींनाही सुरुवात होणार आहे.
17 जानेवारी 2024 – या दिवशी रामललाची मूर्ती नगरप्रदक्षिणेसाठी बाहेर काढण्यात येणार आहे.
18 जानेवारी 2024 – या दिवसापासून प्राणप्रतिष्ठेचा विधी सुरू होईल. मंडप प्रवेश पूजा, वास्तुपूजा, वरुण पूजा, विघ्नहर्ता गणेश पूजा आणि मर्तिक पूजा होतील.
19 जानेवारी 2024 – राम मंदिरात यज्ञ अग्निकुंड स्थापन करण्यात येईल. ही आग विशिष्ठ पद्धतीने पेटवली जाईल.
20 जानेवारी 2024 – राम मंदिराचे गर्भगृह 81 कलशांनी पवित्र केले जाईल, वास्तूची पूजा केली जाईल. ज्यामध्ये विविध नद्यांचे पाणी जमा करण्यात आले आहे. वास्तुशांती विधी होईल.
21 जानेवारी 2024 – या दिवशी यज्ञविधीमध्ये विशेष पूजा आणि हवन दरम्यान, राम लाला 125 कलशांसह दिव्य स्नान करण्यात येईल.
22 जानेवारी 2024 – या दिवशी मृगाशिरा नक्षत्रात 22 जानेवारीला मध्यान्हाला रामललाची महापूजा होईल.
