भडगांव (प्रतिनिधी): यशस्वी लढा कोरोनाशी शासन व प्रशासनाच्या सुचना व नियमांचे पालन करीत यशस्विनी सामाजिक जनजागृती अभियान प्रमुख नगरसेविका योजना पाटील निराधार गरजूंना किराणा व धान्य वाटप करून एक हात मदतीचा या उद्देशाने सामाजिक ऋण फेडण्याचा प्रयत्न करीत आहेत.
कोरोनाच्या प्रादुर्भावामुळे संपूर्ण देश लॉकडाउन आहे.उद्योग व्यवसाय बंद असल्याने गोरगरीब जनतेवर उपासमारीची वेळ आली आहे.परिस्थितीचे गांभीर्य लक्ष्यात घेता ही वेळ मदतीची आहे प्रसिद्धिची नाही असे त्यांनी आवर्जून नमूद केले.नगरसेविका योजना पाटील सामाजिक उपक्रमात सतत सहभागी होऊन जनजागृती तसेच मदतकार्यात प्रेरणादायी कार्य करीत असतात.सदर सेवामदत कार्यास तहसीलदार माधुरी आंधले,पी.आय.धनंजय येरुले,मुख्याधिकारी विकास नवाले,आरोग्याधिकारी डॉ.पंकज जाधव यांचे मार्गदर्शन लाभत आहे.
