अलिबाग जवळील खालापूर तालुक्यातील परखंडे गावात मुलीला प्रियकरासोबत आईनं नको त्या अवस्थेत पहिलं त्यानंतर मात्र मुलीनं क्रूरतेचा कळस गाठत प्रियकराच्या मदतीने जन्मदात्या आईला यमसदनी पाठवलं, मुलगी आणि तिच्या प्रियकराने आईची हत्या केल्याचे उघड झाले आहे. धक्कादायक बाब म्हणजे मुलीचे अनैतिक संबंध आईला दिसल्याने दोघांनी बोभाटा होऊ नये म्हणून आईची हत्या केली या घटनेने परिसरात खळबळ उडाली आहे.सदर घटना 10 सप्टेंबर रोजीची असून खालापूर पोलिसांनी मुलगी आणि तिच्या प्रियकराला अटक केली आहे.
मंगळवारी (10 सप्टेंबर) पहाटे साडेचारच्या सुमारास परखंदे गावातील अहिल्यानगरमधील संगीता झोरे (42) यांना झोपेतून अचानक जाग आली. त्यावेळी मोठी मुलगी भारती (20) आणि तिचा प्रियकर संतोष दत्तात्रय नांदगावकर (34, वावोशी) संगीता झोरे यांना नको त्या अवस्थेत दिसले. या धक्क्याने संतप्त झालेल्या संगीता झोरे यांनी लगेचच आरडाओरड केला. तेव्हा संतोष नांदगावकर याने संगीता झोरे यांचे तोंड दाबून जमिनीवर पाडले आणि त्यांच्या तोंडात ब्लँकेट कोंबले. त्याचवेळी मुलगी भारतीने आई संगीताचे पाय घट्ट धरून ठेवले होते. अखेर श्वास कोंडल्याने संगीता झोरे यांचा मृत्यू झाला.
त्यानंतर आईचा खून केल्याचा संशय कुणालाही येऊ नये म्हणून भारती आणि संतोष यांनी संगीता झोरे यांचा मृतदेह साडीने घराच्या छताच्या लोखंडी पाईपला लटकवला आणि खाली लाकडी स्टूल ठेवून आत्महत्या केली असल्याचे दाखवण्याचा प्रयत्न केला. परंतु, खुनाची घटना पाहिलेल्या संगीता याची दुसरी मुलगी सुरेखा (18) हिने घडलेला सर्व प्रकार नातेवाईकांना
सांगितल्यानंतर खालापूर पोलीस ठाण्यात भारती झोरे आणि तिचा प्रियकर संतोष नांदगावकर यांच्या विरोधात गुन्हा दाखल करण्यात आला. त्यानंतर पोलिसांनी त्यांना अटक केली. या संपूर्ण प्रकरणाचा पोलीस निरीक्षक सचिन पवार अधिक तपास करत आहेत.
