भोपाळ : मध्य प्रदेशचे मुख्यमंत्री शिवराज सिंह यांनी लघुशंका प्रकरणातील पीडित दशरथ याला मुख्यमंत्री निवासस्थानी बोलावून घेत त्याचे पाय धुतले मुख्यमंत्री निवासात खुर्चीवर बसवून पाय धुतले. तसेच शिवराज सिंह यांनी पीडितेची माफी मागितली.
शिवराज सिंह चौहान यांनी यानंतर दशरथला टिळा लावला. हार घालून सन्मान देखील केला. गणेशाची मूर्ती देखील शिवराज सिंह यांनी भेट दिली. यानंतर शिवराज सिंह चौहान यांनी हस्तोंदलन देखील केलं. त्या घटनेचा व्हिडिओ पाहून वेदना झाल्या. मी तुमची माफी माफी मागतो. लोक माझ्यासाठी भगवान आहेत, असं शिवराज सिंह चौहान म्हणाले.
#WATCH | Madhya Pradesh Chief Minister Shivraj Singh Chouhan meets Dashmat Rawat and washes his feet at CM House in Bhopal. In a viral video from Sidhi, accused Pravesh Shukla was seen urinating on Rawat.
CM tells him, "…I was pained to see that video. I apologise to you.… pic.twitter.com/5il2c3QATP
— ANI (@ANI) July 6, 2023
परवेश शुक्ला याच्या वडिलांच्या घराचा काही भाग स्थानिक अधिकाऱ्यांनी बुधवारी पाडला. ‘त्याचे वडील रमाकांत शुक्ला यांचे घर परवानगीनुसार बांधण्यात आलेले नव्हते. म्हणूनच बेकायदा भाग पाडण्यात आला,’ असे जिल्हा अधिकाऱ्याने सांगितले. लघुशंका केल्याच्या घटनेविरोधात दलित आणि आदिवासींनी इंदूरमध्ये आंदोलन केले. मध्य प्रदेशमध्ये अनुसूचित जाती, अनुसूचित जमातींच्या समुदायावरील अत्याचार वाढत आहेत, असा आरोप यावेळी करण्यात आला. अखिल भारतीय बालाई महासंघाच्या नेतृत्वाखाली हे आंदोलन करण्यात आले. पोलिसांनी परवेश शुक्ला याला अटक केली आहे.
