- पत्रकार मनोज नेवे अटक प्रकरणात पो.नि. अरुण धनावडे यांचे स्पष्टीकरण
जळगाव,(प्रतिनिधी)- दंगलीच्या गुन्ह्यात मनोज नेवे यांचे नाव असल्याने त्यांना अटक केली मला ते महाशय पत्रकार असल्याचे माहित नव्हते पत्रकार म्हणून कोणतीही सूड भावना मनात नाही मी पत्रकरारांचा सन्मानच करतो तरी देखील असे आरोप करणे म्हणजे मला माझ्या कर्तव्या पासून दूर करण्याचा प्रयत्न होत आहे अशी प्रतिक्रिया यावल पोलीस निरीक्षक अरुण धनावडे यांनी बोलतांना सांगितले.
पुढे बोलतांना ते म्हणाले की, गुन्हा गंभीर आहे त्या गुन्ह्यात मनोज नेवे यांचे नाव आहे.गेल्या वीस दिवसा पासून या नावाच्या व्यक्तीचा शोध घेत होतो.परंतु आरोपी घरी सापडून येत नसल्याने आरोपी घरी आल्याचे माहिती मिळाल्याने अटक करावी लागली आहे मी माझे कर्तव्य पार पाडले आहे. पत्रकारांविषयी माझे मन साफ असल्याचेही त्यांनी यावेळी सांगितले तर यावलकरांचा माझ्यावर विश्वास असल्याचे ते म्हणाले.
निव्वळ पत्रकार म्हणून कारवाई नाही
मी पत्रकारांचा नेहमी आदरभाव करतो निव्वळ पत्रकार म्हणून कारवाई केलेली नाही.आरोपी यांना मी चेहऱ्याने ओळखतो पण त्यांचे नाव माहित नव्हते त्यामुळं मी या प्रकरणात चुकलेले नाही असे स्पष्टीकरण यावलचे पोलीस निरीक्षक अरुण धनावडे यांनी दिले आहे.
