एरंडोल : येथील माजी उपनगराध्यक्षा तथा नचिकेत इमेजिंगच्या संचालिका डॉ.गीतांजली नरेंद्र ठाकुर यांना जळगाव येथील मौलाना आझाद अल्पसंख्याक समाज विकास फाउंडेशनच्या वतीने आरोग्य सेवेतील उत्कृष्ट कार्याबद्दल आदर्श आरोग्य सेवा पुरस्कार मिळाल्याबद्दल येथील मानसी महिला मंडळाच्यावतीने त्यांचा वृक्षाचे रोप देवून सत्कार करण्यात आला..
डॉ.गीतांजली ठाकुर पालिकेच्या माजी उपनगराध्यक्षा असून शहरात अनेक वर्षापासून आरोग्य सेवा करीत आहेत. डॉ.ठाकुर यांनी त्यांचे पती नगरसेवक डॉ.नरेंद्र ठाकुर यांच्या सहकार्याने शहरात विविध सामाजिक उपक्रम राबविले आहेत.त्यांनी सामाजिक व आरोग्य क्षेत्रात केलेल्या कार्याची दाखल घेऊन त्याना पुरस्कार जाहीर करण्यात आला होता. डॉ.गीतांजली ठाकुर यांना मिळालेला पुरस्कार शहरासाठी अत्यंत अभिमानास्पद असून महिलांना प्रेरणा देणारा असल्याचे यावेळी मंडळाच्या पदाधिकाऱ्यांनी सांगितले. यावेळी मानसी महिला मंडळाच्या अध्यक्षा सपना शर्मा, माजी उपनगराध्यक्षा शकुंतला अहिरराव व उपस्थित पदाधिकाऱ्यांनी डॉ.ठाकुर यांचा कडूनिंबाचे रोप व साडी देऊन सत्कार केला. कार्यक्रमास मिनाक्षी पाटील, गौरी मानुधने, चंद्रकला जैन, नीता तिवारी, शोभा साळी, क्षमा साळी, मनीषा पाटील, दर्शना तिवारी यांचेसह मंडळाच्या पदाधिकारी व महिला उपस्थित होत्या. मानसी महिला मंडळाने केलेला सत्कार माझ्यासाठी मोलाचा व माहेरचा असल्याचे डॉ.गीतांजली ठाकुर यांनी सांगितले..
–
