रावेर,(प्रतिनिधी)- रावेर – यावल विधानसभा मतदारसंघ निवडणूक 2024 च्या अनुषंगाने भारतीय राष्ट्रीय काँग्रेस राष्ट्रवादी काँग्रेस शरदचंद्र पवार,शिवसेना(उद्धव बाळासाहेब ठाकरे) महाविकास आघाडीचा अधिकृत उमेदवार या नात्याने रावेर तालुक्यातील भातखेडा-उतखेडा -चिनावल – येथे ग्रामस्थांशी संवाद साधला यावेळी प्रचार करतांना होम टू होम भेटीगाठी घेऊन मतदार संघाच्या सर्वांगीण विकासाठी कटीबद्ध असून मतदार संघाचा विकास हाचं माझा ध्यास असल्याचं सांगितले.
आमदार शिरीषदादा चौधरी यांच्या माध्यमातून चिनावल -उतखेडा – रस्ता डांबरीकरण चिनावल विवरे रस्ता खिरोदा चिनावल रोड डांबरीकरण तसेच चिनावल वडगाव रोडवर 7 कोटी रुपयांचे पुलाचे काम सुरू आहे चिनावल -उतखेडा-भातखेडा गावाअंतर्गत रस्ते ,काँक्रीटीकरण पेव्हर ब्लॉक, इ मुलभुत सुविधांची कामे झालेली आहेत मतदारसंघात पुन्हा नव्याने विकास पर्वाला सुरुवात करण्यासाठी या निवडणुकीत पाठिशी खंबीरपणे उभे राहून हाताचा पंजा या निशाणी समोरील बटन दाबून मतदानरुपी आशिर्वाद देण्याची ग्रामस्थांना उमेदवार धनंजय चौधरी यांनी विनंती केली.
यावेळी या रॅलीत महाविकास आघाडीच्या शिवसेना उध्दव बाळासाहेब ठाकरे, भारतीय राष्ट्रीय काँग्रेस, राष्ट्रवादी काँग्रेस शरदचंद्र पवार पक्षांचे प्रमुख नेते, पदाधिकारी, कार्यकर्ते तसेच स्थानिक नागरिक मोठ्या संख्येने सहभागी झाले होते.
प्रचार मोहिमे दरम्यान धनंजय चौधरी यांनी जनतेशी संवाद साधत आपल्या वचननाम्यातील महत्त्वाच्या मुद्द्यांवर प्रकाश टाकला.महाविकास आघाडीचे पदाधिकारी कार्यकर्ते व ग्रामस्थ मोठ्या संख्येने उपस्थित होते.
