भडगाव-(किशोर रायसाकडा)- शहरातील नारायणभाऊ मंगल कार्यालयात आज दुपारी तीन वाजता शिवसेना-युवासेना भडगाव तालुका व शहराचा मेळावा झाला. यावेळी प्रमुख मार्गदर्शक म्हणून जळगाव संपर्क प्रमुख संजय सावंत साहेब उपस्थित होते. सदर मेळाव्यात भडगाव तालुका व शहर शिवसेना व युवासेनेचे कार्यकारणी बरखास्त करण्यात आली असल्याची घोषणा संजय सावंत यांनी केली. तसेच नवीन कार्यकारणी येत्या दोन- तीन दिवसात जाहीर करण्यात येईल असेही संजय सावंत साहेब यांनी यावेळी सांगितले. या मेळाव्यास भडगाव तालुका व शहरातील निष्ठावंत शिवसैनिक व युवासैनिक उपस्थित होते.
