नवी दिल्ली : पनामा पेपर्स लीक प्रकरणात बच्चन कुटुंबियांच्या अडचणीत वाढ झाली आहे. या प्रकरणी बॉलीवूड अभिनेत्री ऐश्वर्या राय हिला ईडीने दिल्लीत समन्स पाठवले होते. दरम्यान, ईडीच्या अधिकाऱ्यांनी दिलेल्या माहितीनुसार, ऐश्वर्या राय बच्चन आज ईडीच्या चौकशीला उपस्थित राहणार नाही. आता एजन्सी लवकरच ऐश्वर्या राय बच्चनला नवीन समन्स जारी करणार आहे.
पनामा पेपर्स लीक प्रकरणात ईडीने यापूर्वी 9/11 2021 रोजी ऐश्वर्या राय बच्चनला कलम 37 फेमा अंतर्गत समन्स बजावले होते. हे समन्स प्रतीक्षा बच्चन कुटुंबीयांच्या मुंबईतील निवासस्थानी पाठवण्यात आले आहे. ज्यामध्ये त्यांना १५ दिवसांत उत्तर देण्यास सांगण्यात आले होते. सूत्रांनी दिलेल्या माहितीनुसार, ऐश्वर्या राय बच्चनने ईडीला ईमेलद्वारे उत्तर दिले.
ईडी या प्रकरणाचा तपास करतेय
पनामा पेपर्स लीक प्रकरणात बच्चन कुटुंबाचे नावही समोर आले होते. त्यानंतर अंमलबजावणी संचालनालयाने (ईडी) या प्रकरणी मनी लाँड्रिंगचा गुन्हाही नोंदवला होता. अंमलबजावणी संचालनालयाचे एचआययू या प्रकरणाची चौकशी करत आहे.
काय आहे पनामा पेपर्स लीक प्रकरण?
2016 मध्ये, यूकेमध्ये पनामा लॉ फर्मचे 11.5 कोटी कर दस्तऐवज लीक झाले होते. यामध्ये जगभरातील बडे नेते, उद्योगपती आणि बड्या व्यक्तींची नावे समोर आली होती. या प्रकरणात भारताबाबत बोलायचे झाले तर देशातील सुमारे 500 लोकांची नावे या यादीत असल्याचे समोर आले आहे. यामध्ये बच्चन कुटुंबाच्या नावाचाही समावेश होता.
एका अहवालानुसार, ज्या लोकांची नावे पनामा पेपर्सच्या यादीत आहेत त्यांच्यावर करचुकवेगिरीचा आरोप आहे. ज्यासाठी कर अधिकारी तपासात गुंतले आहेत. या प्रकरणात ऐश्वर्या रायला प्रथम एका कंपनीची संचालक बनवण्यात आले. नंतर त्यांना कंपनीचे भागधारक म्हणून घोषित करण्यात आले.
विशेष म्हणजे हे प्रकरण उघडकीस आल्यानंतर देशभरात खळबळ उडाली आहे. प्रभावशाली लोकांची नावे बाहेर आल्यानंतर लोक सर्व प्रकारचे सट्टा लावत होते.
