जळगाव, दि. 30 (जिमाका वृत्तसेवा) – जिल्ह्यातील पणन हंगाम 2019-20 (रब्बी) अंतर्गत खरेदी केलेले भरडधान्य (मका) सार्वजनिक वितरण व्यवस्थे अंतर्गत वाटप करण्याबाबत शासनाचे निर्देश आहेत. सदरचे भरडधान्य गव्हाचे परिमाण कमी करुन त्याच प्रमाणात भरडधान्य (मका) वाटप करण्याच्या सुचना आहेत.
त्यानुसार माहे ऑक्टोबर 2020 च्या नियतनात भरडधान्य (मका) प्राधान्य कुटूंब योजना लाभार्थ्यांना वितरीत करण्यात येणार आहे. त्यानुसार प्राधान्य कुटूंब योजना प्रति लाभार्थी कार्डधारकांना गहू 1 कि.ग्रॅ. दोन रुपये प्रती किलोप्रमाणे, मका 2 कि.ग्रॅ. एक रुपया प्रती किलोप्रमाणे व तांदुळ 2 कि.ग्रॅ. तीन रुपये प्रती किलोप्रमाणे ऑक्टोबर 2020 करीता रेशन दुकानातुन लाभार्थ्यांना वाटप करण्यात येणार आहे. याचा लाभार्थ्यांनी लाभ घ्यावा, असे आवाहन जिल्हाधिकारी अभिजीत राऊत यांनी एका प्रसिध्दी पत्रकान्वये केले आहे.
