पाचोरा (किशोर रायसाकडा) : शहरातील कोविड सेंटरच्या ठिकाणी अवैध रित्या मेडिकल थाटून औषध विक्री सुरु असल्याने अन्न व औषध विभागाने आज दुपारी छापा टाकत व्यंकटगोपाल कोविड सेंटरवर बेकायदेशीर मेडिकल मधील ४ लाख ३० हजाराचा माल जप्त करण्यात आल्याचे सूत्रांनी सांगितले. दरम्यान मेडिकल चालक आणि डॉक्टर यांच्यावर गुन्हा दाखल करण्यात येईल असे समजते.
पाचोरा शहरात सऱ्हासपणे बेकायदेशीर मेडिकल चालवले जात असल्याचा फर्दाफार्स आज उघड वैद्यकीय क्षेत्रात खळबळ उडाली.जळगाव येथील औषध निरीक्षक डॉ.अनिल माणिकराव व अन्न औषध प्रशासन प्रभारी सहायक आयुक्त एन. एन.साठे त्याचे सहकारी असे ५ जणांच्या पथकाने विना परवाना औषध विक्री होत करणाऱ्याची चौकशी केली असता त्या मेडिकल कुठलाही स्वरूपाचा परवाना नसताना मेडिकल औषधी साठा करून मेडिकल चालविले जात होते .हे तपासणी समोर आले आहे. आलेल्या पथकाने सर्व मेडिकल औषध तपासणी करून ४ लाख ३० हजाराचे औषध जप्त केले आहे.पाचोरा तालुक्यामध्ये डॉक्टरांन कडून औषध विक्री होण्याचे प्रमाण व तक्रारी प्रचंड वाढल्याने आता अवैध विक्री करणारे डॉक्टर्स अन्न औषध प्रशासनाच्या रडार वर आले आहेत.या डॉक्टर च्या मेडिकल ला कोणताही परवाना नसताना जे होलसेलर त्यांना औषधे पुरवत होते त्यांच्यावर कडक कारवाई करावी अशी अपेक्षा व्यक्त होत आहे.
