जळगाव,(प्रतिनिधी)- पहूर – शेंदुर्णीच्या दरम्यान आज दिनांक ३१ रोजी सकाळी विद्यार्थ्यांना शाळेत घेऊन जात असलेली स्कूल बस उलटून अपघातात झाला यात विद्यार्थी आणि शिक्षक जखमी झाले असून विद्यार्थी व शिक्षकांवर पहूर ग्रामीण रुग्णालयात उपचार करण्यात येतं आहेत.
प्राप्त माहिती नुसार आज पहाटे सुमारे सात वाजेच्या सुमारास सरस्वती विद्या मंदिर या शाळेचीविद्यार्थ्यांना घेऊन जात असतांना क्रमांक २ असलेली बस उलटली. पहूर ते शेंदुर्णी दरम्यान घोडेश्वर बाबा जवळ हा अपघात झाला आहे या बसमध्ये सुमारे ४० विद्यार्थी आणि काही शिक्षक होते. यातील अंदाजे ३० विद्यार्थी आणि दोन शिक्षक जखमी झाले आहेत.
अपघाताची माहिती मिळताच परिसरातून नागरिकांनी घटनास्थळी धाव घेतली. या अपघातात जखमी झालेले शिक्षक आणि विद्यार्थ्यांना खासगी वाहनांमधून रूग्णालयात दाखल करण्यात आले आहे. त्यांच्यावर तातडीने उपचार सुरू आहेत. या अपघातातील जखमींपैकी कुणाची प्रकृती गंभीर नसल्याची माहिती समोर आली आहे.
दरम्यान, हा अपघात नेमका कसा झाला ? स्कूल बस नेमकी कशी उलटली ? याची माहिती अद्याप मिळालेली नाही. तथापि, अपघाताची माहिती मिळताच विद्यार्थ्यांच्या पालकांमध्ये भिती आणिगोंधळ निर्माण झाला.
