जळगाव : जळगाव शहरात एक धक्कादायक घटना उघडकीस आलीय. पतीसह मुलं हॉलमध्ये झोपलेले असताना पत्नीनं मागच्या खोलीत जाऊन गळफास घेऊन आत्महत्या केली. पूर्वा राहुल लोंढे (वय ४३ रा. नेहरू नगर, जळगाव) असे मृत महिलेचे नाव असून ही घटना या शहरातील नेहरू नगरामध्ये घडलीय. या घटनेने परिसरात मोठी खळबळ उडाली. पूर्वा यांच्या आत्महत्येचे कारण समजू शलेले नाही. याप्रकरणी एमआयडीसी पोलिसात अकस्मात मृत्यूची नोंद करण्यात आली आहे.
काय आहे नेमकी घटना?
शहरातील नेहरू नगर येथे पूर्वा लोंढे या पती व दोन मुलांसह वास्तव्यास होत्या. दुपारी पती व मुले घराच्या हॉलमध्ये झोपलेले होते. पूर्वा यांनी पती व मुले झोपले असल्याची खात्री केली आणि त्या मागच्या खोलीत गेल्या. आणि प्लास्टिकच्या स्टूल उभे राहून गळफास घेवून मृत्यूला कवटाळले.
हे पण वाचा…
आता GST बाबत मोदी सरकारने उचलले मोठे पाऊल, येत्या 2 महिन्यात सरकार करणार हा बदल!
आमचं सरकार आल्यापासून लोकच नाही तर.. गुलाबरावांचं आपल्याच सरकारविरोधात खळबळजनक व्यक्तव्य
WHO ची सर्वात मोठी घोषणा..! ‘कोविड-19 ही आता जागतिक आरोग्य आणीबाणी नाही’
घरकाम करणार्या महिलेकडे शरीरसुखाची मागणी ; पुण्यात IPS अधिकाऱ्याविरुद्ध गुन्हा दाखल
हॉलमध्ये झोपलेल्या पती राहुल यांना स्टूल पडल्याचा आवाज आला आणि त्यांना जाग आली. त्यांनी लागलीच मागच्या खोलीमध्ये जावून पाहिले. यावेळी पत्नी पूर्वा ही गळफास घेतलेल्या अवस्थेत दिसून आली. त्यांनी लागलीच इतरांच्या मदतीने पत्नीला खाली उतरवून जिल्हा रुग्णालयात नेले. याठिकाणी वैद्यकीय अधिकारी यांनी तपासणीअंती त्यांना मृत घोषित केले. याठिकाणी पती राहुल यांनी मोठा आक्रोश केल्याचे पाहायला मिळाले.
या आत्महत्येचे कारण समजू शलेले नाही. याप्रकरणी एमआयडीसी पोलिसात अकस्मात मृत्यूची नोंद करण्यात आली आहे. पुढील तपास पोलीस नाईक पंकज पाटील हे करीत आहेत.
