पाचोरा,(प्रतिनिधी)- पाचोरा पंचायत समितीचे माजी सभापतींना पराभव चांगलाच जिव्हारी आल्याने त्यांनी याचा राग प्रतिस्पर्धींवर काढत विरोधी गटाच्या कार्यकर्त्यांना बेदम मारहाण केल्याची घटना आज घडल्याने पाचोरा पोलिसात रात्री उशिरापर्यंत परस्पर विरोधी गुन्हे दाखल करण्याचे काम सुरू होते.
परधाडे ता. पाचोरा येथील रहिवासी असलेले तथा पंचायत समितीचे माजी सभापती बन्सीलाल पाटील यांनी ग्रामपंचायत निवडणुकीसाठी गावात पॅनल उभे केले होते. आज जाहिर झालेल्या निकालात बन्सीलाल पाटील यांच्या पत्नी पराभव त्यांना चांगलाच जिव्हारी आला. मतमोजणी स्थळावरुन घरी परत येत असतांना त्यांनी आपल्या स्काॅर्पीयो (क्रं. एम. एच. १९ सी. यु. ६९९० या चारचाकीने समोरुन मोटरसायकलवर येत असलेल्या सोपान शंकर सोनवणे यास जोरदार धडक दिली. यात सोपान सोनवणे गंभीर जखमी झाले. बन्सीलाल पाटील एवढ्यावरच न थांबता गावात सुरू असलेल्या प्रतिस्पर्धी विजयी उमेदवार उषाबाई विश्वनाथ पाटील यांच्या कार्यकर्त्यांनी मिरवणुकीत जावुन बन्सीलाल पाटील यांनी क्षणाचाही विचार न करता मिरवणुकीत सहभागी असलेले राहुल भगवान सोनवणे, रविंद्र भिका सोनवणे, विकास विठ्ठल सोनवणे या कार्यकर्त्यांना बेसुमार मारहाण केली. पराभुत उमेदवारासह महिलांनी रुपाली विठ्ठल सोनवणे, सुमित्रा विठ्ठल सोनवणे, योगिता राहुल सोनवणे, आरती सोपान सोनवणे, यशोदा भगवान सोनवणे यांना त्यांचे घरात जावुन मारहाण केल्याने पाचोरा पोलिस स्टेशनला रात्री उशिरापर्यंत परस्पर विरोधी गुन्हा दाखल करण्यात काम सुरू होते.
