अमरावती, (प्रतिनिधी)- मेळघाट व्याघ्र प्रकल्पाच्या कर्तव्यदक्ष वनपरिक्षेत्र अधिकारी दिपाली चव्हाण यांनी काल व्याघ्र प्रकल्पाच्या हरिसाल येथील शासकीय निवासात पिस्तूलातून स्वत:वर गोळी झाडून आत्महत्या केल्याची धक्कदायक घटना घडली असून या घटनेमुळे वनविभागात खळबळ उडाली.
आरएफओ दिपाली चव्हाण यांच्या आत्महत्येमागील नेमके कारण स्पष्ट झालेले नव्हते वरिष्ठ अधिकाऱ्यांकडून टाकला जाणारा दबाव व मानसिक त्रासाला कंटाळून दिपाली यांनी आत्महत्या केली असावी असा संशय व्यक्त करण्यात येत होता.
दरम्यान आज भाजपच्या चित्राताई वाघ यांनी आरएफओ दीपाली चव्हाण यांनी लिहलेल्या ‘सोसाईड नोट’ ट्विट करुन खळबळ उडवली आहे. यावेळी ट्विट करतांना चित्रताई वाघ यांनी म्हटलं आहे की, लेडी सिंघम म्हणून ओळखल्या जाणाऱ्या हरीसाल येथील वनपरिक्षेत्र अधिकारी दीपाली चव्हाण हिचा भ्रष्ट व्यवस्थेने बळी घेतला.विविध पद्धतीने तिला त्रास देण्यात आला ज्याचा सविस्तर उल्लेख तिच्या पत्रात आहे. हरामखोर DCF शिवकुमार याने तिच्या एकटेपणाचा फायदा घेण्याचा ही प्रयत्न केला. तिला अपमानित केल जात होतं
वांरवार DCF शिवकुमार संदर्भात केलेल्या तक्रारींवर वन संरक्षक रेड्डी यांनी कारवाई का केली नाही त्यांनी जर कारवाई केली असती तर दीपाली वाचली असती ही आत्महत्या नाही तर हत्या आहे.DCF शिवकुमार व वनसंरक्षक रेड्डी दोघांवर सदोष मनुष्य वधाचा गुन्हा दाखल करा.
Sexual Harresment at work place हा “विशाखा क़ायदा”राज्याच्या वनमंत्रालयाला लागू आहे की नाही,RFO दिपाली चव्हाण हिने DCF शिवकुमार विरोधात केलेली तक्रार वनसंरक्षक रेड्डी यांनी विशाखातंर्गत ICC कमिटीत का दाखल करून घेतली नाही
क़ायदे फक्त कागदावरच ठेवायचे असतील तर काडी लावा त्यांना असा संतापही त्यांनी व्यक्त केला आहे.
