दैनिक नजरकैद निर्भीड वृत्तपत्रास जलसंपदामंत्री ना. गिरीशभाऊ महाजनांनी दिल्या “दशकपूर्ती”च्या शुभेच्छा !

जळगाव – दैनिक नजरकैद वृत्तपत्रास आज दहा वर्ष पूर्ण झाल्याने “दशकपूर्ती” निमित्त प्रकाशित केलेल्या विशेषांकाचे प्रकाशन जलसंपदामंत्री ना. गिरीशभाऊ महाजन यांच्या शुभहस्ते करण्यात आले. यावेळी ना. महाजन यांनी दैनिक नजरकैद वृत्तपत्र निर्भीड लिखाण करणारे जिल्ह्यातील स्थानिक दैनिक वृत्तपत्र असल्याचे सांगत तोंडभरून कौतुक केले.व भावी वाटचालीस शुभेच्छा दिल्या.

यावेळी दैनिक नजरकैद चे मुख्यसंपादक प्रवीण सपकाळे यांनी वृत्तपत्राबाबत विस्तृत माहिती देऊन चर्चा केली.प्रवीण सपकाळे हे मूळचे ना. गिरीशभाऊ यांच्या मतदार संघातील मोयखेडा दिगर येथील रहिवासी आहेत. नजरकैद हे सन 2008 साली मोयखेडा दिगर, ता. जामनेर तालुका येथून प्रकाशित होत होते. सहा महिन्यात साप्ताहिकाचे दैनिकात रूपांतर झाल्याने व गेल्या दहा वर्षांपासून सातत्याने मीडिया क्षेत्रात सेवा देत असल्याने ना. गिरीशभाऊंनी समाधान व्यक्त करीत जुन्या आठवणींना उजाळा देत भविष्यात यशस्वी वाटचालीस शुभेच्छा दिल्या.यावेळी संपादक प्रविण सपकाळे यांनी ना.गिरीशभाऊ महाजनांचे आभार मानले. यावेळी जनसंपर्क अधिकारी अरविंद देशमुख हे उपस्थित होते.