जळगाव : परदेशात वैद्यकशास्त्राचा अभ्यास केल्यानंतर सर्व डॉक्टरांना भारतात सराव करण्यासाठी FMGE म्हणजेच फॉरेन मेडिकल ग्रॅज्युएट परीक्षा स्क्रीनिंग चाचणी उत्तीर्ण करणे अनिवार्य असते. मात्र ही परीक्षा नापास असताना देखील रजिस्ट्रेशन करणाऱ्या देशातील ७३ डॉक्टरांविरुद्ध २१ डिसेंबर रोजी सीबीआयने गुन्हा दाखल केला होता. यात जळगाव आणि धुळे जिल्ह्यातील प्रत्येकी एका डॉक्टरचा समावेश असल्याने मोठी खळबळ उडाली आहे.
परदेशात एमबीबीएस करणाऱ्या डाॅक्टरांना भारतात प्रॅक्टीस करावयाची असल्यास त्यांना राष्ट्रीय वैद्यकीय परिषदेची ‘फाॅरेन मेडिकल गॅज्युएट इंटरन्स’ ही परीक्षा पास हाेणे आवश्यक असते. मात्र देशात अशी परीक्षा पास न करता सुमारे २३ हजार डाॅक्टर्स प्रॅक्ट्रीस करीत असल्याची माहिती राष्ट्रीय वैद्यकीय परिषदेला (एनएमसी) प्राप्त झालेली आहे.
याबाबत नॅशनल आॅफ एग्झामिनेशनने आराेग्य मंत्रालयाकडे माहिती दिली हाेती. तसेच एनएमसीने तीन महिन्यांपूर्वी सीबीआयकडे तक्रार केली हाेती. याप्रकरणी देशभरात ९१ ठिकाणी छापे टाकण्यात आले असून यातील ७३ डाॅक्टरांवर गुन्हे दाखल करण्यात आल्याची धक्कादायक माहिती मिळाली आहे. यात जळगाव आणि धुळे जिल्ह्यातील प्रत्येकी एका डॉक्टरचा समावेश आहे.
हे सुद्धा वाचा..
10वी, 12वीच्या विद्यार्थ्यांसाठी महत्त्वाची बातमी, परीक्षांचे वेळापत्रक झाले जाहीर
अरे बापरे.. वृद्ध महिलेच्या कानातील दागिने निघेना, चोरट्यांनी कानाच कापला, जळगावातील धक्कादायक घटना
वर्षाचा शेवटचा दिवस ‘या’ राशींसाठी असणार खास ; वाचा आजचे राशिभविष्य
उद्या 1 जानेवारीपासून ‘हे’ मोठे बदल लागू होतील! काय आहे आताच जाणून घ्या
दरम्यान सीबीआयच्या वेबसाईटवर असलेल्या एफआयआर नुसार जळगाव जिल्ह्यातील अमळनेर येथील डॉ. दीपक अशोक पाटील (सुप्रभा कॉलनी धुळे रॉड, अमळनेर), डॉ. निलेश किशोर पाटील (चिमठाणा,ता.शिंदखेडा जि.धुळे) या दोघांनी चीनमधून एमबीबीएस पूर्ण केले मात्र एफएमजीई परीक्षा नापास झाल्यानंतरही दोघांनी रजिस्ट्रेशन करून प्रॅक्ट्रीस सुरु केल्याचा आरोप असल्याने सीबीआयने १२० ब, ४२०,४६७,४६८, ४७१ सह विविध कलमान्वये गुन्हा दाखल केला आहे.
