‘तो’ १५ कोटी रोख रक्कमेवर गादी समजून झोपायचा ; ईडीच्या छाप्यात मिळाली मोठी कॅश

देशभरात ‘ईडी’ नेहमीच मोठ्या कारवाई करत असते पण या कारवाई दरम्यान जे समोर आलं ते जरा धक्कादायकचं आहे.कोलकाता येथील एका व्यवसायिकाच्या घरी ‘ईडी’ ने छापा मारला असता चक्क झोपण्याच्या कॉट वर १५ कोटी रुपयाची गादी सारखी अथरलेली रोख रक्कम आढळून आला. सदर व्यावसायिक या पैशांवर गादी समजून झोपायचा असं समोर आलं आहे. दरम्यान पश्चिम बंगालची राजधानी कोलकाता येथे ईडी पुन्हा एकदा मोठ्या प्रमाणात रोकड जप्त केली आहे. यावेळी ईडीच्या अधिकाऱ्यांना कॉट खाली पाचशे आणि दोन हजारच्या नोटांचे खचा खच भरलेले गठ्ठे सापडले आहेत. ईडीच्या पथकाने छापा मारण्यात आलेल्या व्यावसायिकाचे नाव निसार खान असे आहे.

In search operations today, under the provisions of the Prevention of Money Laundering Act (PMLA), 2002, at 6 premises in Kolkata in connection with an investigation relating to Mobile Gaming Application, Rs 7 Crores cash found so far, counting of the amount is still in progress. pic.twitter.com/VIkoLzE54K

— ANI (@ANI) September 10, 2022

मोबाईल गेम ऍपच्या फसवणुकीत निसार खान ?

‘मोबाईल गेम ऍप’च्या फसवणुकीत निसार खान यांचा सहभाग असल्याचे ईडीच्या अधिकाऱ्यांचे म्हणणे आहे. याप्रकरणी कोलकात्यात सहा ठिकाणी छापे टाकण्यात आले आहेत. कोलकात्याच्या गार्डनरिचच्या शाही स्टेबल लेनमधील निसार खान यांच्या घरी आज छापेमारी केली.शनिवारी सकाळी ईडीच्या अधिकाऱ्यांनी कोलकात्यात तीन ठिकाणी संयुक्त कारवाई केली.ईडीच्या सूत्रांनी दिलेल्या माहितीनुसार, जप्त केलेले पैसे मोठ्या प्रमाणात बेहिशोबी आहेत. मात्र, हा पैसा कुठून आणि कसा आला, याबाबत कोणतीही माहिती देऊ शकली नाही. या कारणास्तव केंद्रीय गुप्तचर संस्थेचे अधिकारी निसार खान आणि त्यांच्या कुटुंबीयांची चौकशी करत आहेत.ईडीच्या या कारवाईने मोठी खळबळ उडाली आहे.