नवी दिल्ली : डिसेंबर महिना सुरू होताच सर्वसामान्यांच्या दैनंदिन जीवनाशी संबंधित अनेक नियमांमध्ये बदल करण्यात आले आहेत. त्यांचा थेट परिणाम तुमच्या खिशावर होणार आहे. या कारणास्तव, बदललेल्या नियमांची माहिती असणे खूप महत्वाचे आहे जेणेकरून आपल्याला कोणत्याही समस्येचा सामना करावा लागणार नाही. चला तर मग जाणून घेऊया हे नियम.
कर्ज देण्याचे नवीन नियम
आजपासून डिजिटल कर्जाच्या वितरण आणि परतफेडीच्या पद्धतींमध्ये बदल होत आहे. आजपासून, डिजिटल कर्जे फक्त कर्ज देणाऱ्या संस्था (जसे की बँका आणि NBFC) आणि कर्जदार यांच्यात असतील. म्हणजेच, कर्ज देणारी संस्था आणि कर्जदार यांच्यामध्ये तृतीय पक्ष किंवा मध्यस्थाची भूमिका असणार नाही. त्यामुळे, जर तुम्ही या महिन्यात डिजिटल कर्ज घेण्याचा विचार करत असाल, तर RBI ने जारी केलेला हा नवीन नियम नक्की जाणून घ्या. यामुळे तुमच्या पैशांची बचत होऊ शकते.
लाइफ सर्टिफिकेटची मुदत संपली
जर तुम्ही सरकारने दिलेले पेन्शन घेत असाल तर आम्ही तुम्हाला सांगतो की यासाठी आवश्यक असलेले लाइफ सर्टिफिकेट सादर करण्याची शेवटची तारीख संपली आहे. जीवन प्रमाणपत्र सादर करण्यासाठी, ते बँकेच्या शाखेत किंवा ऑनलाइन सादर करावे लागेल. पेन्शन मिळविण्यासाठी हे प्रमाणपत्र अत्यंत महत्त्वाचे असून ते सादर न केल्यास तुमचे पेन्शन थांबू शकते.
गॅसच्या किमती
गेल्या काही महिन्यांपासून आंतरराष्ट्रीय बाजारात गॅसच्या किमती झपाट्याने वाढत आहेत. अशा परिस्थितीत सीएनजी-पीएनजीच्या दरात सातत्याने वाढ होत आहे. नोव्हेंबरमध्ये व्यावसायिक एलपीजी गॅस सिलिंडरची किंमत 115 रुपयांनी कमी झाली असली तरी डिसेंबरमध्ये त्यांच्या किमतीत कोणताही बदल झालेला नाही.
एटीएमचे नियम बदलणार
डिसेंबर महिन्यापासून एटीएममधून पैसे काढण्याची पद्धतही बदलू शकते.मिळालेल्या माहितीनुसार, पंजाब नॅशनल बँक डिसेंबर महिन्यात एटीएममधून पैसे काढण्याच्या प्रक्रियेत बदल करू शकते. 1 डिसेंबरपासून तुम्ही एटीएममध्ये कार्ड टाकताच तुमच्या मोबाइल नंबरवर एक ओटीपी जनरेट होईल, असे सांगण्यात आले आहे. एटीएम स्क्रीनवर दिलेल्या कॉलममध्ये हा ओटीपी टाकल्यानंतरच रोख रक्कम दिली जाईल.
रेल्वेचे नविन वेळापत्रक
डिसेंबर महिन्यात देशातील बहुतांश भागात थंडीचा जोर वाढू लागतो. हिवाळ्यात धुके वाढू लागते. त्यामुळे गाड्यांच्या वाहतुकीत अडचणी येत आहेत. त्यामुळे अनेक गाड्या रद्द करण्याचा निर्णय रेल्वेला घ्यावा लागला आहे. धुके पाहता रेल्वेनेही वेळापत्रकात बदल केला आहे. अशा परिस्थितीत, डिसेंबर महिन्यात रेल्वे रेल्वेच्या वेळापत्रकात सुधारणा करेल आणि नवीन वेळापत्रकानुसार गाड्या चालवल्या जातील अशी शक्यता आहे.
सुधारित रिटर्न भरता येणार
म्ही 2021-22 या आर्थिक वर्षाचे आयकर विवरणपत्र भरले असेल आणि त्यात चूक झाली असेल. अशा परिस्थितीत तुम्ही 31 डिसेंबरपर्यंत सुधारित रिटर्न भरू शकता. यानंतर चूक सुधारली जाणार नाही. यामुळे तुम्हाला आयकर विभागाकडून नोटीस मिळू शकते.
