मुंबई : अनेक पदार्थांमध्ये प्रामुख्याने वापरला जाणारा घटक म्हणजे ‘कढीपत्ता’. कढीपत्ता हा प्रामुख्याने वापरला जातो तो स्वादासाठी आणि त्यातील औषधी गुणधर्मांचा उपयोग आहाराद्वारे शरीराला होण्यासाठी. चटणी, सांबार, आमटी यांना वरुन तडका द्यायचा असेल तर कढीपत्ता हा आवश्यकच असतो.
परंतू आपल्यापैकी अनेकजण जेवताना कढीपत्ता बाजूला काढतात. पण याच कढीपत्त्यामध्ये अनेक औषधी गुणधर्म दडले आहेत. तर आज आपण कढीपत्ता खाण्याचे शरीराला कोणते फायदे होतात याची माहिती जाणून घेणार आहोत.
कढीपत्ता खाण्याचे फायदे पुढीलप्रमाणे –
1) भूक लागत नसेल तर आहाारत कढीपत्त्याच्या पानांचा समावेश करावा. यामुळं भूक वाढण्यास मदत होते.
2) पोटात येणारा मुरडा थांबतो.
3) पोटात जंत झाले असतील तर यावर कढीपत्ता गुणकारी आहे.
4) मूळव्याधीतून रक्त पडत असेल तर कढीपत्त्याच्या पानांचा काढा बनवून तो प्यायल्यास रक्त पडण्याचं थांबतं.
5) हिरड्या मजबूत होतात.
6) एखाद्या कीटकानं चावल्यानंतर सूज आली असेल तर त्यावर कढीपत्त्याची पानं वाटून लाावावीत. फायदा मिळेल.
7) जखमी लवकर भरून निघण्यास मदत होते.
8) शरीरावर खाज येत असेल तर कढीपत्त्याच्या पानांचा लेप लावावा. आराम मिळेल.
9) रक्त शुद्ध होते.
10) केस गळती, केसात कोंडा यावर कढीपत्ता जास्त फायदेशीर ठरतो.
टीप – वरील लेख हा माहिती म्हणून देण्यात आलेला आहे. यातून आम्ही कोणताही दावा करत नाही. त्यामुळं काहीही करण्याआधी एकदा डॉक्टरांचा किंवा तज्ज्ञांचा सल्ला नक्की घ्या.
