पोलीस निरीक्षक ,सहाय्य्क निरीक्षकांच्या बदल्या
जळगाव ;- येथील जिल्हा पोलीस अधीक्षक डॉ. पंजाबराव उगले यांनी जिल्ह्यात पोलीस दलामध्ये रात्री उशिरा फेरबदल केले . रामानंद नगरचे पोलीस निरीक्षक दीपक बुधवंत यांची नियंत्रण कक्ष येथे बदली करण्यात आली असून अमळनेरचे अनिल बडगुजर यांची नियुक्ती रामानंद नगरला करण्यात आली. तसेच यावल पोलीस स्टेशनचे दत्तात्रय परदेशी यांना सायबर पोलीस स्टेशन तर यावल येथे जळगाव शहरचे रविकांत सोनवणे यांची तर सायबरचे अरुण निकम यांना जळगाव शहर पोलीस स्टेशन देण्यात आले आहे. धरणगावचे अंबादास मोरे यांची अमळनेर तर अकबर पटेल यांची जिल्हापेठला बदली करण्यात आली. सहाहय्य्क पोलीस निरीक्षक सचिन बेंद्रे यांना मेहुबरे पोलीस स्टेशनचे प्रभारी म्हणून नियुक्त करण्यात आले आहे. सावदा येथील राहुल वाघ , जिल्हापेठ पोलीस स्टेशनचे संदीप आराक यांना मुदतवाढ देण्यात आली आहे. निंभोरा पोलीस स्टेशनचे प्रकाश वानखेडे यांची फैजपूर येथे तर त्यांच्या जागी महेश जानकर यांची नेमणूक करण्यात आली आहे.
