जामनेर तालुक्यातील फत्तेपूर परिसरातील गेल्या काही दिवसांपासून एक शीर नसलेल्या व उलट्या पायाने चालणाऱ्या भुताचा व्हिडीओ सोशल मीडियावर व्हायरल झाला होता. या व्हिडीओ मुळे परिसरात प्रचंड खळबळ उडाली होती अखेर यात पोलिसांनी तपास लावत या व्हायरल व्हिडीओचे सत्य बाहेर आणलं आहे.
तालुक्यातील फत्तेपूर पोलिसांनीं या भुताच्या व्हायरल व्हिडीओचे सत्य तपासतांना धक्कादायक खुलासा समोर आला असून खोडसाळ मुलांनी हा व्हिडीओ सोशल मीडियावर व्हायरल केल्याचं स्पष्ट झालं आहे. दरम्यान या तीनही मुलांवर पोलिसांनी कारवाई केली आहे.
शीर नसलेल्या भुताचा कथित व्हिडिओ व्हायरल करणाऱ्या तीन लोकांना पोलिसांना कबुली देतांना सांगितलं की लोकांना घाबरवण्यासाठी सदर व्हिडिओ व्हायरल केला होता.
तंत्रज्ञानाच्या मदतीने शीर नसलेला मुलगा आणि उलट्या मार्गाने चालत जाणारी स्त्री दाखवणारी दृश्ये शूट केली आणि एडिट केली आहेत.तरी सदर भुताचा व्हिडीओ हा बनावट व खोटा असल्याचं पोलीस तपासात समोर आलं आहे.
