जळगाव : रस्त्यात कुत्रा आला अन् झाला मोठा अपघात, पण..

जळगाव : जामनेर तालुक्यातील पाळधी गावाजवळ जळगाव औरंगाबाद महामार्गावर अचानक रस्त्यात कुत्रा आडवा आला. त्याला वाचविण्याच्या प्रयत्नात कार दुभाजकावर आदळली आणि मोठा अपघात झाला. एअरबॅगमुळे तिघांचा जीव वाचला आहे. रवींद्र रमेशचंद्र काबरा (वय ३९), गौरी रवींद्र काबरा (वय ३५) आणि निशा (वय २) असे तिघेही अपघातातून बचावले.

नेमकी काय आहे घटना?
औरंगाबाद येथील व्यावसायिक रवींद्र रमेशचंद्र काबरा हे पत्नी गौरी आणि मुलगी निशा यांच्यासह (एम एच २० इइ-२६०४ ) कारने जळगाव जिल्ह्यात आले होते. काम आटोपल्यानंतर ते पुन्हा कारने औरंगाबादला जात होते. यादरम्यान जळगाव औरंगाबाद महामार्गावर जामनेर तालुक्यातील पाळधी गावाच्या अलिकडे त्यांच्या कारसमोर अचानक कुत्रा आडवा आला. या कुत्र्याला वाचविण्याच्या प्रयत्नात काबरा यांची कार रस्त्यातलच्या दुभाजकावर जाऊन धडकली. कार दुभाजकाला धडकताच चालक काबरा यांच्या बाजूचे कारचे टायर फुटले. या धडकेनंतर एअरबॅग उघडली. तसेच सीटबेल्ट लावला असल्याने अपघातात कारचालक काबरा त्यांची पत्नी आणि २ वर्षांची चिमुकली हे तिघेही बचावले. अपघातात कार फटफटत गेल्याने कारचा समोरील भाग चक्काचूर झाला आहे.

हे पण वाचा..

Video ! खारकोपर रेल्वे स्थानकाजवळ लोकल ट्रेन रुळांवरून घसरली, रेल्वे वाहतूक विस्कळीत

एका बॉयफ्रेंडसाठी दोन तरुणींची तुफान हाणामारी ; VIDEO झाला व्हायरल

अखेर झुंज अपयशी ठरली ; अपघातातील जखमी तरुणीचा मृत्यू

टायर फुटल्याने कार चालकाच्या विरूद्ध बाजूला कार फेकली गेली. तर कारचा समोरील भागाचा चुराडा झाला. या मोठ्या अपघातात सुदैवाने कारमधील एकालाही खरचटले सुद्धा नाही. मागून भरधाव वाहन असते, तर कदाचित मोठी दुर्घटना घडून अनर्थ घडला असता.

अपघाताची माहिती मिळताच पाळधी गावातील तरुणांनी घटनास्थळी मदत कार्य केले. पोलीस निरीक्षक प्रताप इंगळे, सहाय्यक फौजदार प्रकाश पाटील, पोलीस कर्मचारी अनिल राठोड, व सुभाष पाटील घटनास्थळी धाव घेऊन पंचनामा केला. यावेळी ठाकरे गटाचे सहसंपर्क प्रमुख डॉ. मनोहर पाटील, युवा सेना जिल्हा समन्वयक विश्वजीत पाटील यांनीही घटनास्थळी धाव घेतली. तसेच कारमधील गौरी काबरा यांना मुकामार लागला असल्याने त्यांना रुग्णालयात उपचारासाठी नेत मदत केली.