जळगाव दि. २३ (प्रतिनिधी)- जळगाव जिल्हा बुध्दिबळ असोसिएशन व जैन स्पोर्ट्स अकादमी यांच्या संयुक्त विद्यमाने तसेच महाराष्ट्र बुध्दिबळ असोसिएशन व अखिल भारतीय बुध्दिबळ महासंघ यांच्या मान्यतेने जळगाव येथील अनुभूती निवासी स्कूलच्या आवारात २७ डिसेंबर २०२३ ते ४ जानेवारी २०२४ या नऊ दिवसांच्या कालावधीत राष्ट्रीय सब ज्युनिअर (१५ वर्षा आतील मुले व मुलींच्या) बुध्दिबळ स्पर्धेचे आयोजन करण्यात आले असल्याची माहिती जैन इरिगेशन सिस्टीम्स ली. चे व्यवस्थापकीय संचालक अतुल जैन यांनीआज दिनांक २३ रोजी आयोजित पत्रकार परिषदेत दिली.बोलतांना पुढे ते म्हणाले की शाळांमधून स्पोर्ट्सला वाव मिळाला पाहिजे, शैक्षणिक विकासासोबत क्रीडाची जोड मिळाल्यास विदयार्थ्यांचा सर्वांगीण विकास होतं असल्याचे त्यांनी बोलतांना यावेळी सांगितले.
या राष्ट्रीय बुध्दिबळ स्पर्धा स्विस-लीग प्रकाराने खेळविण्यात येणार असून स्पर्धकांना ११ फेऱ्यात विविध स्पर्धकांशी मुकाबला करावा लागणार आहे. या संपूर्ण स्पर्धेत एकूण नऊ लाखांची रोख पारितोषिके व वयोगटानुसार प्रथम तीन विजेत्यांना चषक देण्यात येतील तसेच प्रत्येक सहभागी खेळाडूंना पदके देण्यात येणार आहेत.
या संपूर्ण स्पर्धेचे प्रायोजकत्व जैन इरिगेशन सिस्टिम्स लि. या जळगाव शहरातील सुप्रसिद्ध कंपनीने स्वीकारले आहे हेच नव्हे तर आयोजनामध्ये सुद्धा त्यांचा सिंहाचा वाटा असल्याची माहिती आयोजन समितीचे नंदलाल गादिया यांनी सांगितलं.
पत्रकार परिषदेत माहिती देतांना अतुल जैन पुढे म्हणाले की,या राष्ट्रीय स्पर्धेत जम्मू-काश्मीर पासून ते कन्याकुमारी पर्यंत भारतातील विविध २५ राज्यातील २९४ मुले व मुलीं खेळाडूंनी सहभाग नोंदविला आहे. त्यात CM मयंक चक्रवर्ती, आसाम – २४०३, FM दक्षिनगा तैन्नारासु, तामिळनाडू – २३३२, CM शेख सुमेर अर्श, तेलंगाना २२५५, FM शुभ गुप्ता, उत्तरप्रदेश, साची जैन, दिल्ली ईत्यादी.. विविध टायटल प्राप्त खेळाडूंनी आपला सहभाग नोंदवला आहे. १२८ मुलांपैकी ११४ तर ८६ मुलींनपैकी ७२ फिडे मानांकन प्राप्त खेळाडू असे २९४ स्पर्धक आहेत.
महाराष्ट्र, आसाम, तामिळनाडू, तेलंगाना, राजस्थान, आन्द्रप्रदेश, दिल्ली, वेस्ट बंगाल, गुजराथ, महाराष्ट्र, कर्नाटक, मध्यप्रदेश, उत्तरप्रदेश, बिहार, पंजाब, चंडीगड, हरियाणा, केरल, गोवा, उत्तराखंड, झारखंड, उडीसा, त्रिपुरा, ई. २५ राज्या मधून खेळाडू येत आहे.तर स्पर्धेसाठी मुख्यपंच म्हणून कलकता येथील आंतरराष्ट्रीय पंच देवाशीस बरुआ, सहायक पंच पुणे येथील आंतरराष्ट्रीय पंच विनिता श्रोत्री व त्यांना मदतनीस ९ पंच असतील.
आपापल्या राज्याच्या संघाचे प्रतिनिधित्व करणाऱ्या सर्व खेळाडूंची व संघ प्रशिक्षक अथवा संघ व्यवस्थापक यांची निवास व्यवस्था जैन इरिगेशन सिस्टिम्स लि. द्वारेकरण्यात आली आहे.
या राष्ट्रीय स्पर्धेतून सहभागी खेळाडूंना आपले फिडे मानांकन उंचविण्याची सुवर्णसंधी मिळणार आहे तसेच ग्रांड मास्टर ही उपाधी मिळविण्यासाठीची वाटचाल या स्पर्धेद्वारे खेळाडूंना मिळणार आहे. या स्पर्धेत प्रथम सहा (६) विजेत्या खेळाडूंची निवड पुढील आंतरराष्ट्रीय आशियाई स्पर्धासाठी करण्यात येईल व हे खेळाडू आपल्या भारत देशाचे प्रतिनिधित्व करतील अशी माहित आजच्या पत्रकार परिषदेत जळगाव जिल्हा बुध्दिबळ असोसिएशनचे अध्यक्ष व स्पर्धेचे प्रायोजकत्व स्वीकारलेल्या जैन इरिगेशन कंपनीचे सह- व्यवस्थापकीय संचालक श्री अतुल जैन यांनी दिली.
या पत्रकार परिषदेत असोशिएशनचे सचिव नंदलाल गादिया, उपाध्यक्ष फारूक शेख, अनिल जोशी व कार्यकारणी सदस्य तसेच जैन स्पोर्ट्स अकादमीचे अरविंद देशपांडे, रवींद्र धर्माधिकारी, प्रवीण ठाकरे हे प्रामुख्याने उपस्थित होते.
