जळगाव : राष्ट्रवादीचे नेते आणि माजी मंत्री एकनाथ खडसे भाजपात जाणार असल्याच्या चर्चेने जिल्ह्यातील राजकारण चांगलेच ढवळून निघाले आहेत. खडसेंबाबतची चर्चा थांबत नाही तोच काँग्रेसचा एक आमदार भाजपमध्ये जाणार असल्याची चर्चा सुरू झाली आहे.
जळगाव जिल्ह्यातील काँग्रेसचे कट्टर पदाधिकारी आमदार शिरीष चौधरी हे भाजपमध्ये जाणार असल्याची जोरदार चर्चा करण्यात येत आहे. मात्र मी भाजपमध्ये जाणार अशी कुठलीही परिस्थिती सध्या नाही. अनेक वर्षांपासून काँग्रेसच्या विचारांवर निष्ठा ठेवून आम्ही काम करतो आहे, असं स्पष्टीकरण आमदार शिरीष चौधरी यांनी दिलं आहे.
ही एक अफवा आहे. भाजपच्या कार्यकर्त्यांकडून तसेच हितचिंतकांकडून काँग्रेसच्या कार्यकर्त्यांमध्ये संभ्रम निर्माण व्हावा, यामुळे ही अफवा पसरवली जात आहे. मात्र पक्ष विषयी प्रतारणा करण्याचं कुठलही कारण नाही. कारण असतं तर दुसरी गोष्ट असती. अशी काही भूमिका घेतली तर मी त्याबाबत स्पष्ट सांगेल.
हे पण वाचा :
1 ऑक्टोबरपासून होणार या नियमांमध्ये बदल ; आताच जाणून घ्या
सुरक्षित गुंतवणुकीचा विचार करताय? या योजनेत 200 रुपयांच्या गुंतवणुकीवर मिळेल 28 लाखाचा परतावा
नवरात्रीपूर्वी सोने महागले, चांदी झाली स्वस्त ; जाणून घ्या आठवडाभरातील सराफा बाजाराची स्थिती
पोस्टाची ‘ही’ योजना तुम्हाला बनवेल लखपती ; फक्त तीन वर्षातमिळतील 10 लाख
कारण यापूर्वी नेहमी माझी भूमिका ही स्पष्टपणे सांगितली आहे. त्यामुळे आताही तसं काही असेल तर सर्वांसमोर जाहीर करेन. अशा चर्चांनी मी अस्थिर होणारा पदाधिकारी नाहीये, असं म्हणत अफवा पसरवणाऱ्यांना आमदार शिरीष चौधरी यांनी सुनावलं आहे.
