जळगाव – शहराला पाणीपुरवठा करणार्या वाघूर धरण यंदा शंभर टक्के भरले आहे. त्यामुळे दि. 3 पासून शहरात दोन दिवसांआड पाणीपुरवठा करण्याचा निर्णय महापालिका प्रशासनाने घेतला आहे. नवीन रोटेशनप्रमाणे शहरात दोन दिवसाआड पाणीपुरवठा होणार असल्याची माहिती मुख्य अभियंता डी. एस. खडके यांनी दिली.
उन्हाळ्यात जलसाठा कमी झाल्यामुळे मनपा प्रशासनाने एप्रिलपासून शहरात तीन दिवसाआड पाणीपुरवठा करण्याचा निर्णय घेतला होता. मात्र, आता धरणात 100 टक्के पाणीसाठा असल्यामुळे पुन्हा दोन दिवसाआड पाणीपुरवठा करावा यासाठी महापौर सीमा भोळे यांनी आयुक्तांना पत्र देवून मागणी केली होती. त्यानुसार आजपासून दोन दिवसाआड पाणीपुरवठा होणार असल्याने जळगावकरांना दिलासा मिळाला आहे.
आजचा पाणीपुरवठा – नटराज टॉकिज ते चौघुले मळापर्यंतचा भाग, शनीपेठ, बळीराम पेठ, नवी पेठ, हौसिंग सोसायटी, गेंदालाल मिल, खडकेचाळ, इंद्रप्रस्थनगर, के. सी. पार्क., संपूर्ण रिंगरोड परिसर, भोईटेनगर, भिकमचंद जैन नगर, जुने गाव, सिंधी कॉलनी, इंडिया गॅरेज, ओंकारनगर, जोशीपेठ, गणेश वाडी कासमवाडी, सम्राट कॉलनी, ईश्वर कॉलनी, वर्षा कॉलनी, सुप्रीम कॉलनी, तांबापूरा, गणपती नगर, आदर्श नगर, प्रभात कॉलनी, ब्रुकबॉन्ड कॉलनी, वाघ नगर, हरिविठ्ठल नगर, गणेश कॉलनी, श्रीकृष्ण कॉलनी, समता नगर, स्टेट बॅँक कॉलनी, धांडेनगर.
