नवी दिल्ली : जगात कोरोनाची साथ येऊन दोन वर्षांहून अधिक काळ लोटला असला तरी, उत्तर कोरियाने प्रथमच अधिकृतपणे आपल्या देशात कोरोना संसर्गाचा पहिला रुग्ण आढळल्याचा दावा केला आहे. म्हणजेच गुरुवारी पहिल्यांदाच उत्तर कोरियाने अधिकृतपणे आपल्या देशात कोविडचा उद्रेक झाल्याची पुष्टी केली.
देशव्यापी लॉकडाऊन जाहीर
मीडिया रिपोर्ट्सनुसार, यानंतर देशाचा शासक किम जोंग-उन यांनी संपूर्ण उत्तर कोरिया क्षेत्रात लॉकडाऊन लागू करण्याचा आदेश जारी केला आहे. प्योंगयांगमध्ये ओमिक्रोन प्रकाराचे एक प्रकरण आढळले असल्याचे राज्य माध्यमांनी वृत्त दिले आहे. देशाची अधिकृत वृत्तसंस्था KCNA ने दिलेल्या माहितीनुसार, ‘देशातील आपत्कालीन प्रतिसाद आघाडीचे म्हणणे आहे की, देशातील ही आतापर्यंतची सर्वात मोठी आपत्कालीन घटना आहे, त्यानंतर लोकांना वाचवण्यासाठी काही कठोर निर्णय घेण्यात आले. एजन्सीच्या म्हणण्यानुसार, ‘फेब्रुवारी 2020 मध्ये कोरोना महामारी सुरू झाल्यापासून गेल्या दोन वर्षांपासून आणि तीन महिन्यांपासून कडेकोट सुरक्षा व्यवस्था करण्यात आली होती. असे असतानाही कोरनाने देशात पाय पसरले आहेत.
हे पण वाचा :
खळबळजनक ! शेतकऱ्याने आधी ऊस पेटवला नंतर घेतला गळफास
रेशन कार्ड लाभार्थ्यांसाठी खुशखबर! केंद्र सरकारने केली मोठी घोषणा, लवकरात लवकर लाभ घ्या
राज ठाकरेंना जीवे मारण्याची धमकी, पत्रामध्ये उर्दू शब्दांचा वापर?
घ्या आता ! शिंपल्याचा बिकिनी अन अर्धनग्न उर्फी ; Video पाहून चाहते भडकले
८ मे रोजी चाचणी घेण्यात आली
या अहवालात असे म्हटले आहे की प्योंगयांगच्या लोकांना कोरोना विषाणूच्या ओमिक्रॉन प्रकाराचा सामना करावा लागला आहे. देशात सुरू असलेल्या कोरोना चाचणीदरम्यान ८ मे रोजी संक्रमित आढळलेल्या लोकांचे नमुने घेण्यात आले. या प्रकरणाची पुष्टी झाल्यानंतर, कोरोना विषाणूचा प्रसार रोखण्यासाठी देशातील सर्व शहरे आणि ग्रामीण भागात कडक लॉकडाऊन लागू करण्यात आला आहे. देशात आपत्कालीन वैद्यकीय पुरवठा मजबूत ठेवण्यासाठी काम केले जात आहे. किम जोंग उन यांनी आपल्या अधिकार्‍यांच्या बैठकीत कोरोना विषाणूचा पहिला प्रादुर्भाव रोखण्यासाठी उपाययोजनांवर चर्चा केल्यानंतर हा निर्णय घेतला आहे जेणेकरून देशातील लोकांचे संरक्षण करता येईल.
