मुंबई : मुंबईमधील मुंब्रा पोलीस ठाण्यातील 3 अधिकारी आणि 7 कर्मचाऱ्यांना निलंबित करण्यात आले आहे. काळ्या पैशाच्या माहितीवरून या लोकांनी एका बिल्डरच्या घरावर छापा टाकला होता. यावेळी 30 कोटींची रोकड मिळाली. त्यानंतर हे प्रकरण दडपण्यासाठी तीन पोलीस अधिकाऱ्यांनी बिल्डरकडून बळजबरीने सहा कोटी रुपये घेतल्याचा आरोप आहे. त्याची तक्रार ठाणे शहर पोलिसांच्या वरिष्ठ अधिकाऱ्यांकडे करण्यात आली. तक्रारीनंतर या प्रकरणाची चौकशी करण्यात आली.
मिळालेल्या माहितीनुसार, मुंब्रा परिमंडळाचे सहायक आयुक्त व्यंकट आंधे आणि मुंब्रा पोलिस ठाण्याचे प्रभारी अशोक कडलक यांच्या विभागीय चौकशीचे आदेश ठाणे शहर पोलिसांनी जारी केले आहेत. आरोपी पोलीस वैद्यकीय रजेवर गेले आहेत. मुंब्रा पोलिस ठाण्यातील गीताराम शेवाळे, हर्षद काळे आणि मदने यांच्यावर तपासानंतर कारवाई करण्यात आली आहे. गीताराम शेवाळे हे मुंब्रा पोलिस ठाण्यात गुन्हे शाखेचे पोलिस निरीक्षक आहेत. हर्षद काळे हे त्याचवेळी पोलीस निरीक्षक आहेत. 12 एप्रिल रोजी त्यांना बातमी मिळाली की मुंब्रा येथील बिल्डर फैजल मेनन यांच्या घरात मोठ्या प्रमाणावर काळा पैसा आहे.
हे पण वाचा :
खळबळजनक ! शेतकऱ्याने आधी ऊस पेटवला नंतर घेतला गळफास
रेशन कार्ड लाभार्थ्यांसाठी खुशखबर! केंद्र सरकारने केली मोठी घोषणा, लवकरात लवकर लाभ घ्या
राज ठाकरेंना जीवे मारण्याची धमकी, पत्रामध्ये उर्दू शब्दांचा वापर?
घ्या आता ! शिंपल्याचा बिकिनी अन अर्धनग्न उर्फी ; Video पाहून चाहते भडकले
यानंतर या लोकांनी मेनन यांच्या घरावर छापा टाकून 30 कोटी रुपये जप्त केले. त्यानंतर जप्त केलेली रक्कम मुंब्रा पोलीस ठाण्यात आणण्यात आली. त्यानंतर पोलीस अधिकाऱ्यांनी हे संपूर्ण प्रकरण दडपण्यासाठी 6 कोटी रुपये घेतल्याचा आरोप आहे. यानंतर इब्राहिम शेख नावाच्या तरुणाने या प्रकरणाची तक्रार वरिष्ठ पोलिस अधिकाऱ्यांकडे केली. तक्रारीनंतर ठाणे शहर पोलीस उपायुक्त अविनाश अंबुरे यांनी तपास केला. तपासानंतर मुंब्रा पोलिस ठाण्यातील 3 अधिकारी आणि 7 कर्मचाऱ्यांना निलंबित करण्यात आले.
