चौकशीसाठी गेलेल्या ईडीच्या अधिकाऱ्यांवर मोठा हल्ला ; अधिकार्‍यांना ओढत नेले आणि बेदम मारहाण केली

ED officials attacked : कारवाईसाठी पोहचलेल्या ईडीच्या अधिकाऱ्यांच्या पथकावर संपूर्ण गावाने एकत्र येतं मोठा हल्ला झाल्याची घटना पश्चिम बंगालमधून समोर आली आहे. पश्चिम बंगाल येथील उत्तर २४ परगणा येथील TMC नेत्याच्या घरी पोहचलेल्या ईडीच्या पथकावर जमावाने हल्ला केला असून यावेळी ED अधीकाऱ्यांना ओढत, फरपटत नेत मारहाण केली असून याबाबतचा व्हिडीओ प्रेस ट्रस्ट इंडियाने ट्विट केला आहे.

तीन अधिकारी जखमी…

ED  अर्थात केंद्रीय सुरक्षा यंत्रणेचे अधिकारी TMC नेते शाहजहान शेख आणि शंकर आध्या यांच्या घरी चौकशी करत होते. यावेळी घरासमोर मोठा जमाव जमला होता. जमलेल्या जमावाने अधिकाऱ्यांच्या वाहणावर मोठा हल्ला केला आणि अधिकाऱ्यांवर दगडफेक केली यावेळी अधिकाऱ्यांना शिवीगाळ करण्यात आली. जमावाने नंतर संतप्त होऊन अधिकाऱ्यांवर हल्ला केला. अधिकार्‍यांना ओढत नेले आणि बेदम मारहाण केली. त्यापैकी एकाच्या डोक्याला दुखापत झाली आहे.त्यांच्या वाहनांच्या काचा फोडल्या. कसेबसे ईडीचे अधिकारी जीव वाचवण्यासाठी पळून गेले.या दरम्यान तीन अधिकारी जखमी झाले असून तिघां अधिकाऱ्यांना उपचारासाठी रुग्णालयात दाखल करण्यात आले आहे.

ED चे पथक सकाळ ७ वाजून १० मिनिटांनी चौकशीसाठी शेख यांच्या घरी पोहचले. त्यावेळी घर आतून लॉक होते. ईडीच्या अधिकाऱ्यांनी अनेकवेळा आवाज दिला मात्र आतून कोणताही प्रतिसाद येत नव्हता. त्यामुळे ईडीच्या अधिकाऱ्यांनी दरवाजा तोडण्याचा प्रयत्न केला. त्यानंतर जमावाने अधिकाऱ्यांवर हल्ला केला.

VIDEO | A mob surrounded and attacked the vehicles of Enforcement Directorate (ED) and central armed paramilitary forces as they were conducting a raid in connection with ration scam at TMC leader Shahjahan Sheikh’s residence in Sandeshkhali, North 24 Parganas district, earlier… pic.twitter.com/C2AGWabFn1

— Press Trust of India (@PTI_News) January 5, 2024

ईडी अधिकाऱ्याने सांगितले की त्यांची ८ जणांची टीम घटनास्थळी दाखल होती. यावेळी त्यांच्यावर हल्ला झाला. या घटनेमुळे राज्यपाल आनंद बोसही संतप्त झाले आहेत. दरम्यान, जखमी अधिकाऱ्यांना तातडीने रुग्णालयात पाठवण्यात आले आहे.