मुंबई : एअरटेल आणि वीआयला टक्कर देण्यासाठी रिलायन्स जिओने खूपच स्वस्त प्लान सादर केला आहे. टेलिकॉम कंपनी रिलायन्स जिओने ग्राहकांसाठी फक्त 1 रुपयांचा रिचार्ज प्लान आणला आहे. या प्लानमध्ये ग्राहकांना फक्त डेटाची सुविधा मिळते. कॉलिंग आणि एसएमएसची सुविधा मिळत नाही.
जिओच्या एक रुपयाच्या प्लॅनचे फायदे
जिओच्या १ रुपयांच्या प्लानची वैधता ३० दिवस आहे. या प्लानमध्ये ग्राहकांना १०० एमबी हाय स्पीड डेटा मिळतो. प्लानमध्ये १०० एमबी डेटा समाप्त झाल्यानंतर इंटरनेट स्पीड कमी होऊन ६० kbps होईल. या प्लानमध्ये कॉलिंग आणि मेसेजिंगची सुविधा मिळत नाही. त्यामुळे प्लानचा सिम सुरू ठेवण्यासाठी उपयोग होऊ शकतो.
जिओचा १ रुपयांचा रिचार्ज भारतातील सर्वात स्वस्त प्लान झाला आहे. एअरटेलशिवाय वोडाफोन आयडिया, एअरटेल, बीएसएनएल आणि एमटीएनएलकडून १ रुपयांचा रिचार्ज केला जातो.
भारतात गरीब लोकांची संख्या मोठी आहे. त्यामुळे एक रुपयांच्या प्लानमध्ये अनेकांना इंटरनेटची सुविधा उपलब्ध होऊ शकते. जिओकडे १ रुपयांसह १० आणि २० रुपयांच्या किंमतीचा टॉप-अप प्लान आहे. १० रुपयांच्या प्लानमध्ये अनलिमिटेड वॅलिडिटीसह ७.४७ रुपये टॉक-टाइम मिळतो. तर २० रुपयांच्या प्लानमध्ये अनलिमिटेड वॅलिडिटीसह १४.९५ रुपये टॉकटाइम मिळते.
