पाचोरा,(किशोर रायसाकडा) – शहरातील कोरोना पॉझिटिव्ह रुग्ण चक्क कोविड रुग्णालयातून मधून रफूचक्कर होत चक्क घरी अंघोळीला घरी जाण्याचा धक्कादायक प्रकार आज उघडकीस आल्याने हलगर्जी पणाचा कहरच पाहायला मिळाला.
शहरातील एका मेडिकल शॉप मालकाचे कोरोना पॉझिटिव्ह रिपोर्ट दोन दिवस अगोदर आले असतांना येथील कोविड रुग्णालयात उपचार सुरु आहे. कोरोना पॉझिटिव्ह व्यक्ती सकाळी सहा साडे च्या दरम्यान मुलाच्या दुचाकी गाडीवर बसून चक्क कोविड रूग्णालयाच्या प्रशासनाला अंधारात ठेऊन चक्क घरी अंघोळीला गेल्याचा धक्कादायक प्रकार घडला आहे. सदर व्यक्ती घरी अंघोळीला आल्याचे स्थानिक रहिवाशांनी प्रत्यक्षरित्या पाहिल्यानंतर विरोधही केला मात्र काही एक परिणाम दिसून न आल्याने स्थानिक रहिवाशांनी आमदार किशोर पाटील यांचे निवासस्थान गाठत हा प्रकार सांगितल्याचे कळते.
हलगर्जी पणाचा कहर
जिल्ह्यात कोरोनाचा कहर सुरु असतांना आता कोविड रुग्णालयातून कोरोना पॉझिटिव्ह रुग्ण चक्क घरी अंघोळीला गेल्याने रुग्णालय प्रशासन व रुग्णाचा हलगर्जी पणाचा कहरच समोर आला आहे.
स्थानिक नागरिकांनी कोरोना रुग्णाच्या घरी येऊन अंघोळ घेण्यावर आक्षेप घेऊन तक्रार केल्याबाबत आमदार किशोर पाटील यांच्याशी संपर्क साधून विचारले असता त्यांनी या घटनेला दुजोरा दिला असून यापुढे असा कोणताही कोरोना रुग्ण रुग्णालयाच्या बाहेर पडणार नाही अशा सूचना प्रशासना देण्यात येईल असे स्थानिक नागरिकांना आश्वासन दिल्याचे सांगितले.
