जळगाव : वाढत्या इंधनाचा भार पेलत असताना दुसरीकडे महामंडळाच्या तिजोरीवरही त्याचा परिणाम जाणवू लागला असल्याने नाइलाजास्तव एसटी महामंडळाचे तब्बल तीन वर्षानंतर एसटीच्या तिकीटात भाडेवाढ करण्याचा निर्णय घेतला आहे. एसटीने १७.१७ टक्के भाडेवाढ केली असून हे दर मध्यरात्रीपासून लागू झाले आहे.
आता जळगावातून मुक्ताईनगर, पाचाेरा, अमळनेर भुसावळचा प्रवास १० रुपये तर नांदुरी गड व शिर्डीचा प्रवास तब्बल ५५ रुपयांनी महागणार आहे. ज्या विद्यार्थ्यांनी मासिक पास काढले आहेत त्यांचे शुल्क १ नाेव्हेंबरपासून वाढणार.कोरोना नियंत्रणात आल्याने पूर्णक्षमतेने बस वाहतूक सुरू झाली. मात्र, डिझेलच्या दरात सातत्याने हाेणारी वाढ, महागाई, एसटीच्या चेचीस, टायर, महागाई भत्त्यात वाढ झाल्याने प्रवासी भाडेवाढीचा निर्णय एसटी महामंडळाने घेतला आहे.
जळगाव येथून एरंडाेल, जामनेर,चाेपडा,भुसावळ एसटीने प्रवास करण्यासाठी आता पूर्वीपेक्षा पाच रुपये अधिक माेजावे लागतील. आगाऊ तिकीट आरक्षित केलेल्या तिकीटधारकांकडून नवीन दरानुसार तिकिटाची रक्कम वसूल करण्यात येईल. ज्या प्रवाशांनी भाडेवाढ होण्याआधीच तिकीट आरक्षित केले असेल व ते जर २६ ऑक्टोबरच्या मध्यरात्रीपासून प्रवास करणार असतील तर त्यांच्याकडून वाढलेल्या तिकीट दरानुसार तिकिटाची वसुली करण्यात येईल. सध्या जी भाडेवाढ करण्यात आली आहे. त्यात एक रुपया हा अपघात सहायता निधीचा आहे. अपघात झाला व त्यात प्रवाशाला काही दुखापत झाली, दुर्दैवाने काही अघटित घडले तर तेव्हा प्रवाशांना त्याचा फायदा हाेताे. मात्र,त्यासाठी प्रवाशांनी प्रवासाचे जे तिकीट काढले आहे ते सांभाळून ठेवावे.
शहराचे नाव पूर्वीचे दर आणि नवीन दर
चाळीसगाव १३० – १५०
रावेर १०० – ११५
मुक्ताईनगर ८५ – ९५
पाचोरा ७० – ८०
एरंडोल ४५ – ५५
जामनेर ५५ – ६०
चोपडा ७५ – ८०
अमळनेर ८५ – ९५
भुसावळ ४० – ५०
धुळे १२० – १४०
नांदुरी गड ३०५ – ३६०
शिर्डी ३०५ – ३६०
नांदुरी गड ३०५ ३६०
शिर्डी ३०५ ३६०
