- नवजीवन सुपरशॉपचे अनिल कांकरिया यांच्या अध्यक्षस्थानी जीवनगौरव सोहळा संपन्न
जळगाव – उत्तर महाराष्ट्रात प्रथमच जिल्ह्यातील 20-25 वर्षांपासून एफएमसीजी सेल्स क्षेत्रात कार्यरत असलेल्या प्रतिनिधींचा जीवन गौरव सत्कार सोहळा एफएमसीजी सेल्स ग्रुप जळगाव जिल्हातर्फे आयोजित करण्यात आला होता. या सोहळ्याला एकता रिटेल किराणा असोसिएशनचे सहकार्य तर नवजीवन सुपरशॉपचे सौजन्य होते.
सर्व मान्यवरांसमवेत जीवन गौरव सोहळा सत्कारार्थी एफएमसीजी सेल्समन.
सोहळ्याच्या अध्यक्षस्थानी नवजीवन सुपरशॉपचे अनिल कांकरिया तर प्रमुख वक्ता म्हणून रेडक्रॉस सोसायटीचे उपाध्यक्ष गनी मेमन होते. तसेच एकता रिटेल असोसिएशनचे अध्यक्ष ताराचंद कृपलानी, सचिव सतीश अग्रवाल यांची प्रमुख उपस्थिती होती. गेल्या 20-25 वर्षांपासून फास्ट मुव्हिंग कंपनी गुडस्च्या सेल्सचे काम करणार्या ज्येष्ठ सहकार्यांचा यावेळी मान्यवरांच्या हस्ते जीवन गौरव पुरस्कार देवून सत्कार करण्यात आला. सत्कारार्थींमध्ये रविंद्र शर्मा, प्रशांत देशमुख, सुभाष महाजन, सुनिल नारखेडे, जगन्नाथ श्रीखंडे, राजेश ठाकूर, रविंद्र पाठक , दिलीप गोसावी, अजय हरहरे, अविनाश कानडे, राजेश निकम, मनिष येवले, भरत पाटील, चंद्रशेखर भावसार, नितीन पिले, विनोद कुळकर्णी, विजय यावलकर, सतीश चौधरी, जयवेंद्र देवरे, दिलीप जोशी, विकास पाटील, अनिल कोळी, भरत शिंपी, शंकर सिंधी, देवेंद्र जोशी, यशवंत चौधरी, किशोर कोतकर, प्रकाश भोंगळ, संतोष अलाहित, सौ.कल्पना सोनार यांचा समावेश होता.
सत्कार सोहळ्यानंतर कार्यरत असताना मयत झालेल्या अमर बाबर व धर्मेश जोशी या दोन सेल्समन सहकार्यांच्या कुटुंबियांना सहकार्य म्हणून एफएमसीजी जळगाव जिल्हातर्फे ठराविक रकमेची एफडी करून त्याचे प्रमाणपत्र मान्यवरांच्या हस्ते सुपूर्द करण्यात आले.
या सोहळ्याचे प्रास्ताविक एफएमसीजी जळगाव जिल्ह्याचे उमेश वाघ यांनी तर सूत्रसंचालन विनोद कुळकर्णी व आभार राजेश निकम यांनी मानले.कार्यक्रमाच्या यशस्वीतेसाठी सुहास बेंडाळे, नितीन पाटील, गोरख कोळी, जयवेंद्र देवरे, सुभाष महाजन, अनिल कोळी, सुनिल पाटील, राजू पाटील, प्रशांत कुळकर्णी, प्रशांत बेंडाळे, विजय गावडे, मुकुंदा सोनवणे, हेमंत तायडे यांनी परिश्रम घेतले.
