मुंबई : माजी मंत्री एकनाथराव खडसे यांना बॉंबे रूग्णालयात दाखल करण्यात आले असून त्यांच्यावर शस्त्रक्रिया करण्यात येत असल्याची माहिती त्यांच्या वकिलांनी न्यायालयाला दिली आहे.
पुण्यामधील जमीन घोटाळा प्रकरणी खडसे आज मुंबईतील सेशन कोर्टामध्ये अनुपस्थित राहिले होते. याच अनुपस्थितीसंदर्भात न्यायालयाला माहिती देताना वकिलांनी खडसे आजारी असल्याचं सांगितलं. खडसेंवर एक महत्वाची शस्त्रक्रीया होणार आहे. त्यासाठी त्यांना बॉम्बे रुग्णालयात दाखल करण्यात आलंय असं वकिलांनी न्यायालयाला सांगितल्याचं एका वृत्तात म्हटलं आहे.
एकीकडे खडसेंविरोधातील सुनावणीमध्ये वकिलांनी त्यांची बाजू मांडली असताना दुसरीकडे खडसेंच्या पत्नी मंदाकिनी खडसे यांनी याच प्रकरणात अटकपूर्व जामीनासाठी अर्ज केला आहे. याप्रकरणी ईडीकडून चार्जशीट दाखल करण्यात आली आहे. त्यात खडसे आणि त्यांच्या पत्नी मंदाकिनी या दोघांची आरोपी म्हणून नावं आहेत. २०१६ सालचं हे प्रकरण आहे. खडसे त्यावेळी महसूल मंत्री होते. याच प्रकरणामध्ये खडसेंचे जावई गिरीश चौधरी सध्या अटकेत आहेत.
SHOCKING
Lies after Lies
Eknath Khadse's lawyer has made a statement before the Hon'ble Sessions court that Shri Khadse is PERMANENTLY DISABLED???
Also that he has been admitted in an ICU and to undergo a LIFE SAVING SURGERY?
Lies only to avoid physical appearance at court?
— Mrs Anjali Damania (@anjali_damania) October 6, 2021
मात्र खडसेंच्या वकिलांनी दिलेल्या माहितीवरुन सामाजिक कार्यकर्त्या अंजली दमानिया यांनी शंका उपस्थित करत टीका केलीय. एकनाथ खडसे हे न्यायालयासमोर खोटं बोलत असल्याचा आरोप दमानिया यांनी ट्विटरवरुन केलाय.
