जळगाव,(प्रतिनिधी)- माजी मंत्री आ. एकनाथराव खडसे यांनी भाजपात प्रवेश करून स्वगृही परतण्याचा निर्णय निर्णय घेतल्याचे आज दुपारी मीडियाच्या माध्यमातून जाहीर केले असून लोकसभा निवडणुकीच्या तोंडावर राष्ट्रवादी शरदचंद्र पवार पक्षाला धक्का दिला आहे.दरम्यान खडसेंच्या कन्या रोहिणी खडसे खेवलकर या राष्ट्रवादी शरदचंद्र पवार पक्षाच्या महिला प्रदेशाध्यक्ष असून त्या काय निर्णय घेतात याकडे सर्वांचे लक्ष लागून होते याबाबत राजकीय वर्तुळात चर्चा रंगल्या होत्या, अखेर रोहिणी खडसे यांनी तासाभरापूर्वीच निर्णय घेतला असून आपण राष्ट्रवादी शरदचंद्र पवार पक्षात राहणारं असल्याचा निर्णय घेतला आहे.
रोहिणी खडसे काय म्हणाल्या…
मी राष्ट्रवादी महिला काँग्रेस शरदचंद्र पवार पक्षाची प्रदेशाध्यक्षा म्हणून काम करीत आहे, मी याच पक्षात आहे व भविष्यातही याच पक्षात राहणार आहे.
मी आदरणीय शरदचंद्र पवार साहेबांसोबतच …
लढ़ेंगे और जीतेंगे… असं ‘x’ या सोशल मीडिया प्लॅटफार्म वर ट्विट करून आपला निर्णय जाहीर केला आहे.
रोहिणी खडसे यांनी वडील एकनाथ खडसे यांच्या सोबत राष्ट्रवादी पक्षात प्रवेश केला होता त्या नंतर एकनाथ खडसे यांना शरद पवार यांनी विधानपरिषद आमदार म्हणून बहाल केलं होतं तर रोहिणी खडसे यांना पक्षाच्या महिला प्रदेशाध्यक्ष पदाची जबाबदारी दिली होती. एकनाथराव खडसे व त्यांची कन्या रोहिणी खडसे राष्ट्रवादी पक्षात गेल्यावर देखील भाजपा खासदार असलेल्या खडसेंच्या सून रक्षा खडसे यांनी भाजपातचं राहणं पसंत केलं होतं. आता मात्र खडसे राष्ट्रवादी पक्षाला धक्का देत पुन्हा स्वगृही परतत असतांना मात्र कन्या रोहिणी खडसे या राष्ट्रवादी शरदचंद्र पवार पक्षात राहणे पसंत करत आहे यामुळे राजकीय वर्तुळात आश्चर्य व्यक्त होतं आहे.
मी राष्ट्रवादी महिला काँग्रेस शरदचंद्र पवार पक्षाची प्रदेशाध्यक्षा म्हणून काम करीत आहे, मी याच पक्षात आहे व भविष्यातही याच पक्षात राहणार आहे.
मी आदरणीय शरदचंद्र पवार साहेबांसोबतच …
लढ़ेंगे और जीतेंगे ✊✊
@NCPspeaks pic.twitter.com/XqHrrnJFol— Adv Rohini Eknathrao Khadse (@Rohini_khadse) April 6, 2024
खडसेंचा भाजपा प्रवेशाचा मुहूर्त लवकरचं
एकनाथराव खडसे भाजप मध्ये जाणार असल्याची माहिती खुद्द खडसे यांनीच मीडियाला दिली असून लवकरचं प्रवेशाचा मुहूर्त ठरणार आहेत. यावेळी त्यांच्या सोबत जळगाव जिल्ह्यासह उत्तर महाराष्ट्रातील कोण कोण प्रवेश करणार हे पाहणे महत्वाचे ठरेलं. दरम्यान एकनाथराव खडसे व भाजपा नेते देवेंद्र फडणवीस, गिरीश महाजन यांच्यासोबत असलेले कटू संबंध, उघड उघड एकमेकांविरुद्ध असलेल्या भूमिका संपूर्ण महाराष्ट्राला माहिती आहे.खडसेंच्या भाजपा प्रवेशानंतर कसं जुडवून घेतात याकडेच सर्वांचं लक्ष लागून आहे.
