जळगाव,(प्रतिनिधी)- 26 नोव्हेंबर 2020 रोजी काही राज्य जिल्हा परिषद व इतर कर्मचारी संघटनांनी देश व राज्यव्यापी संप पुकारला आहे. मात्र या संपात कास्ट्राईब कर्मचारी महासंघ सहभागी होणार नसल्याची भूमिका महासंघाने एका निवेदनाद्वारे जाहीर केली आहे.
संपाचा निर्णय घेताना कोणालाही विश्वासात घेण्यात आलेले नाही हा संप एकतर्फी निर्णय घेऊन पुकारलेला आहे संपाच्या मागण्यात राज्यातील मागण्या कमी तर राष्ट्रीय पातळीवरील मागण्या जास्त व अवास्तव आहेत. राष्ट्रीय पातळीवरील मागण्यात राज्य कर्मचाऱ्यांच्या संबंध नाही तसेच हा दिवस संपूर्ण देशात संविधान दिवस म्हणून साजरा करण्यात येतो या दिवशी भारतीय राज्यघटना देशाला समर्पित करण्यात आली आहे हा दिवस राष्ट्रीय उत्सव प्रमाणे साजरा करण्यात येतो. या दिवशी संपूर्ण देशात भारतीय राज्यघटनेचे वाचन करण्यात येऊन संविधानाप्रति निष्ठा व्यक्त करण्यात येते शिवाय याच दिवशी मुंबई येथील दहशतवादी हल्ल्यात वरिष्ठ पोलीस अधिकारी, कर्मचारी व नागरिक शहीद झाले होते. या शहिदांना संपूर्ण देशात भावपूर्ण आदरांजली वाहण्यात येते या दिवसाचे अनन्यसाधारण महत्त्व लक्षात घेता या दिवशी पुकारलेला संप अयोग्य व चुकीचा असून संपाचा निर्णय घेताना काही प्रतिगामी प्रवृत्तीचा सहभाग असल्याची शक्यता नाकारता येत नाही.या दिवशी गालबोट लावण्याचा प्रयत्न होऊ शकतो या संपात कास्ट्राईब कर्मचारी महासंघाचे महाराष्ट्र राज्याचे अध्यक्ष कृष्णा इंगळे यांचे नेतृत्वात राज्यातील सहा लाख कर्मचारी सहभागी होणार नाही तरी या संपात कोणीही सहभागी होऊ नये.सर्वांनी कामावर उपस्थित राहून शासनास सहकार्य करण्याचे आवाहन महासंघाचे अध्यक्ष कृष्णा इंगळे यांनी केले आहे. तरी जळगाव जिल्ह्यातील महासंघ सलग्न सर्व शाखेचे पदाधिकारी सदस्य संपात सहभागी होणार नाहीत असे जळगाव जिल्हा कास्ट्राईब महासंघाचे जिल्हाध्यक्ष रवींद्र तायडे,जिल्हा सरचिटणीस ब्रम्हानंद तायडे, कार्याध्यक्ष साधना बाविस्कर, कास्ट्राईब प्राथमिक शाळेचे जिल्हाध्यक्ष बापू साळुंखे, कृषी विभागचे मिलिंद वाल्हे,कोषाध्यक्ष रवींद्र गायकवाड,भूमिअभिलेख खात्याचे संदीप हिरोळे यांनी कळविले आहे.
